martes, 15 de julio de 2014

Una historia sobre as grafias de l'aragonés

Ya van pasando bells quantos anyos dende o II Congreso por l'aragonés. Mesmo d'a publicación d'a Propuesta Ortografica de l'Estudio de Filolochía Aragonesa - Academia de l'aragonés. Muitas d'as mias alumnas y d'as personas d'o mio redol me preguntan a soben por iste afer. O tema grafico ye largo, espeso y muito subchetivo. Asinas que creigo que he de escribir iste post ta explicar cómo he viviu yo o tema grafico y bells datos historicos que creyeba que totz conoixeban, pero que pareixe que no ye asinas por lo que siento en clases, tabiernas y centros socials.

Ye una historia de tot subchetiva, pues ye como la vivié yo. Con tot y con ixo, he prebau de que no siga pasional y de documentar-lo tot con datos. Antiparte d'a mia propia memoria, he tirau basicament de Wikipedia, d'as actas d'o II Congreso, y d'as revistas O Espiello y Fuellas editadas por Nogara y Consello d'a Fabla, respectivament. Todas tenemos as nuestras opinions sobre iste afer, pero no trobaretz aquí garra mentira, aspero. Por tot isto, o post ye una (y no pas "a") historia sobre (y no pas "de") as grafías.

Lochicament, no puedo charrar d'a historia d'a grafía d'o 87, porque no teneba que 8 anyos. Podetz trobar documentación sobre a suya historia en as propias normas graficas, que son penchadas a la fin d'o post.

A grafía d'o 87, ¿"a de toda la vida".?
Antes d'o 87 s'escribiba en aragonés. Antes d'o 77, anyo que se publicó a Gramatica de Nagore y o Diccionario d'Andolz, s'escribiba en aragonés. Ye verdat que a producción yera radida, pero existiba.

A grafía d'o 87 se veniba fendo servir dende antes d'o 87, ye verdat. Libros editaus en os zaguers 70s ya feban servir, si fa u no fa, ixe modelo grafico. Totz de neofablants. Pero erroniament, bi ha chent que creye que yera a unica grafía y que tot lo mundo la feba servir. Pues lo siento por ellas, pero no.

Mientres os zaguers 70, toda la decada d'os 80 y buena parti d'os 90, practicament no bi heba guaires criticas ubiertas a lo modelo grafico d'o 87 que venisen dende os neofablants. Quasi totz, por no decir totz, la feban servir. Manimenos, entre os patrimonials, a realidat yera prou diferent. Os representants de l'aragonés cheso sisquiá sinyoron o I Congreso ta ra normalizazion de l'aragonés. Una parte muito important d'os escritors patrimonials nunca no la facioron servir. En as revistas locals y comarcals que publicaban bella cosa en aragonés, por un regular se feba servir una grafía castellana con bell cambio chicot.

Con isto nomás quiero dar dos ideyas que ta yo son indiscutibles. 1. A grafía d'o 87 tenió un emplego mayoritario entre os que aprendeban aragonés. 2. A grafía d'o 87 tenió un emplego minoritario entre os que charraban aragonés como luenga materna.

Por desgracia, l'aragonés entre os anyos 70 y agora nunca no ha teniu un modelo grafico universalment acceptau. Ye verdat que antes mas o disenso yera menor y que, dica la propuesta grafica d'a SLA, no bi heba garra alternativa grafica "ordenada" a la propuesta grafica d'o 87.


Quan yo prencipiaba en istas cosas....
Levo en isto de l'aragonés dende l'anyo 2000 y siempre, repito SIEMPRE, he sentiu a chent criticar o modelo grafico d'o 87. Con tot y con ixo, ixa mesma chent lo feba servir y lo esfendeba dica que se consensuase una alternativa. Bi heba prou debat sobre cambiar ya bellas cosas d'o modelo d'o 87, como meter as famosas -t zagueras (escribir chent, berdat, u mozet en cuenta de chen, verdá u mocé, como se feba dica alavez).

Ixe mesmo anyo que yo prencipiaba a aprender, se creyó, adintro d'o Consello d'a Fabla, o Consello Asesor de l'Aragonés, un organo que causó prou polemica. Teoricament, yera un organo ta ir fendo fainas de normalización y estandarización de l'aragonés. En a practica muitas la veyeban como una autoridat lingüistica (una proto academia?) baixo lo control unico y zarrau d'o Consello d'a Fabla Aragonesa. As asociacions y muitas personas leyoron a creyación d'iste organo como una rebaixada d'o CFA. O Consello Asesor prencipió a fer informes con que bellas asociacions (a lo menos Nogara, que ye la que conoixco) no yeran d'alcuerdo.


Avienta la bomba....
Entre 2003 y 2004, esclató a bomba en o mundo de fablilandia. Bells miembros "con nombre" deixaban o Consello d'a Fabla Aragonesa y fundaban una nueva asociación: a Sociedat de Lingüistica Aragonesa. Entre ells, chent como Anchel Conte, Jose Antonio Saura, Xabier Tomas u Chuse Raul Usón. Ta forro de bota, prencipioron a fer servir una grafía en as suyas publicacions en aragonés de tot diferent a la grafía d'o 87. T's zagueras, b y v, as letras g y j t'o soniu "ch", a x tamién t'o soniu que en G.87 se escribiba cs (p.e. sexo / secso) y asinas asinas... Ista asociación, antimás, considera a lo benasqués de traza separada de l'aragonés.

Se "ubriba o melón" d'a disidencia. Nogara, t'a part d'alavez, teneba muita chent que, encara que yera contraria a lo modelo grafico d'o 87, creyeba que caleba continar fendo-lo servir por a unidat d'o movimiento en esfensa d'a luenga. Con tot y con ixo, ya meteba -t zaguera en bells articlos d'a revista O Espiello u conservaba os grupos cultos (dialecto en cuenta de dialeuto, dignificazión en cuenta de dinnificazión, ...). En o numer , d'hibierno de 2003, Nogara fació un Clamamiento a la unidat, que sería simient de Chuntos por l'aragonés. O texto deciba:
En os zaguers tiempos s'han escaiziu bels feitos importans dentro d'o mobimiento d'esfensa d'a luenga aragonesa, debán d'os cuals Nogará quiere fer publica a suya posizión.
En primerías, Nogará quiere aclarir per denzima de tot, que creye en a unidat d'a luenga aragonesa y que por ixo beyemos no solo posible sino tamién nezesario treballar en a creyazión d'un estándar que permita a la nuestra luenga como cualsiquier atra luenga normal d'o mundo. Con tot y con ixo, reconoxemos positiba la creyazión de sozestandars en ixos dialectos que por a suya situazión siga consellable, sozestandars que abrán d'estar comberchens y coderens con a irrenunziable unidat d'a luenga, sincronicamén y diacronica.
No renunziamos a tot lo que s'ha feito bien, en o lingüistico y en o sozial, por o mobimiento d'esfensa y dignificazión d'a luenga y espreisamos a nuestra intenzión de continar amillorando-lo.
Por atro costau, dende Nogará beyemos posible un cambio de grafía d'a luenga que, en cualsiquier caso, abría de fer-se dende o consenso. Ista grafía abría d'estar diasistemica y feita con criterios zientificos.
En zaguerías, nos fería goyo de treballar por a unidat d'aizión d'o mobimiento contando, ta ixo, con toz os achents implicaus, perque nomás de conchunta tendremos a capazidat de desichir debán d'os poders publicos o que l'aragonés mereix.
Agora nos pareixería una groma as barallas d'ixas envueltas. A SLA yera minoritaria, pero bi heba una voluntat de que no se crebase o consenso grafico u de que se plegase en unatro nuevo. O caso yera que bi heba masiaus problemas y caleba que nos chuntasenos. O naiximiento d'a SLA estió un sintoma d'a malotía que teneba l'aragonés y que s'expresaba de diferents trazas:

1. Quasi vinte anyadas dimpués d'a propuesta grafica d'o 87, un porcentache altismo d'os patrimonials continaban viyendo-la allena y no la feban servir.
2. O malestar provocau por a pretensión d'o Consello Asesor de funcionar como una Academia, sin a participación d'a resta d'asociacions y fablants de l'aragonés.
3. O naiximiento d'a SLA y a suya propuesta grafica, nueva y rupturista de tot (en ixas envueltas).
4. As furas criticas y refús a qualsiquier cambio, por chicot que estase, d'a grafía d'o 87, de man de qui la desfendeban (basicament CFA).

A prebatina de solución plegó con a iniciativa Chuntos por l'aragonés. Aquí cal fer un parentesi important.

Chuntos por l'aragonés.
Poco dimpués d'ixe Clamamiento por a unidat, prencipioron toda mena de contactos en fablilandia. Se metió firme ficacio en que en iste proceso participasen personas y asociacions representants d'o fabladors patrimonials, ta mirar de correchir a error historica de continar trestallaus.

Dimpués d'un tiempo se fació o conoixiu como Manifiesto por a unidat d'a luenga, en castellano ta privar-se problemas de modelos graficos, dialectals y mesmo lingüisticos. Iste manifiesto, que deciba bella cosa tant evident y de vez tant radical como que existiba una luenga que se deciba aragonés y que teneba unidat lingüistica expresada, como todas as luengas, en diferents dialectos, se prencipió a mover. Lo sinyoron millars de personas, asociacions de toda mena, y muitos concellos, comarcas y mesmo diputacions provincials.

En o proceso de Chuntos participoron todas as asociacions grans y chicotas de l'aragonés fueras d'a SLA que, dende o primer inte, dició que no iba con ells o proceso. Tamién bi habió una presencia important de fabladors patrimonials. O proceso fue evolucionando y se plegó en a conclusión de que caleba convocar un segundo Congreso de l'aragonés, hereu d'o I Congreso ta ra normalizazión de l'aragonés. Ixe II Congreso tendría como obchectivo esleixir una autoridat lingüistica que normativizase y prebase de ir normalizando l'aragonés.

Bells meses antes d'o Congreso, no bi heba guaires tensions entre as asociacions. Tot lo contrario. En o numer 170 de Fuellas, con calendata de noviembre-aviento de 2005, se deciba en a editorial
En l'auto [os representants de Chuntos, un d'ells Chuse Inazio Nabarro] esplicoron que o Congreso se zelebrará os días 13, 14 e 15 de chulio de 2006 en Zaragoza y en bels lugars de l'Alto Aragón, e que o suyo ochetibo ye creyar l'Academia d'a Luenga Aragonesa como autoridá lingüistica que complegue o consenso de toz os fabladors d'aragonés, de todas as suyas bariedaz, sin que dengún ziudadano se sienta amarguinato. Nabarro estacó que con l'Academia se preba de creyar una fuerza interior que dé codesión á os fabladors e que premita o refrendo instituzional por parti d'o Gubierno d'Aragón.
T'a part d'alavez, prencipioron as rumors sobre a posibilidat de que o Gubierno ise a fer una lei de luenga digna d'ixe nombre. O mesmo Juanjo Vázquez, qui yera viceconsellero d'Educación y Cultura d'o Gubierno de Marcelino Iglesias, dició en o suyo nombre, en a sesión de devantadera d'o Congreso:
Este Proyecto de Ley de Lenguas, en definitiva, no hará otra cosa que ratificar la realidad trilingüe de nuestra Comunidad, y tendrá como objetivos esenciales:
a) Hacer efectivo el derecho de los ciudadanos a conocer y usar las lenguas propias de Aragón
b) Fomentar la recuperación y desarrollo de las lenguas propias de Aragón, impulsando las medidas precisas para ello
c) Garantizar la enseñanza del aragonés y del catalán en todas las etapas educativas
En definitiva, es necesaria una Ley de Lenguas en Aragón para integrar definitivamente a todos los aragoneses, igualando progresivamente los derechos de los que tienen el aragonés o el catalán como lengua materna con los derechos de los aragoneses de habla castellana, con el principio fundamental del respeto a la libertad de todos los aragoneses.
La Ley de Lenguas también dará respuesta a una de vuestras mayores preocupaciones, si tenemos en cuenta el programa del Congreso: la decisión sobre la autoridad lingüística del aragonés, una autoridad lingüística que no puede resolverse por  un método asambleario, sino que debe proceder de un sólido rigor científico y del respeto a las exigencias jurídicas y administrativas.

Amprau d'as Actas d'o II Congreso
Iste feito, y ixa predisposición teorica d'o Gubierno d'alavez, ta fer una lei de luengas, facioron que beluns planteyasen suspender o Congreso u cambiar a suya razón, ye decir, no trigar a una autoridat lingüistica. En l'atro canto yeranos qui no nos fiabanos de que o Gubierno ise a cumplir con ixe compromís y que no querebanos desaprofitar tot lo treballo que s'heba feito ta que dimpués nos fesen burro falso. Levabanos trenta anyadas quasi de promesas de Lei de Luengas y de prebatinas fracasadas. Tenebanos prous razons ta no confitar en o Gubierno.

Adhibiba Vázquez que
 La autoridad lingüística debe emanar de la Ley de Lenguas * y debe partir, como mínimo, del Gobierno de Aragón y de la Universidad de Zaragoza, pero a su lado pueden y deben existir otras entidades que, fundadas sobre los criterios de procurar hacer efectivo el derecho de los ciudadanos a conocer y usar las lenguas propias de Aragón puedan colaborar y asesorar a los diferentes órganos encargados de desarrollar la política lingüística de nuestra Comunidad.
De este Congreso, estoy convencido, van a surgir este tipo de iniciativas, que van a ser atendidas con atención y respeto por el Gobierno, la misma atención y respeto qu eles va a prestar el conjunto de nuestra sociedad.
Deixando a puerta ubierta a un reconoiximiento de facto, dica que se nombrase una academia por o Gubierno, unico organismo que puede fer-lo legalment.

A tensión fue creixendo y o diya 11 de chulio, tres diyas antes d'o prencpio d'o Congreso, o Instituto d'Estudios Altoaragoneses, con Francho Nagore como vicepresident, se desvincló d'o mesmo. Con tot y con ixo, tanto Nagore, como REA y CFA estioron en o II Congreso. Tamién o mesmo Nagore estió proposau como miembro d'a futura Academia de l'aragonés.

Mientres os dos primers diyas d'o II Congreso, se facioron comunicacions sobre a luenga aragonesa, que son replegadas en as Actas que podetz leyer en a web de l'academia. O tercer diya yera o más important. L'academia s'heba d'esleixir. Francho Nagore y Chuse Inazio Nabarro anuncioron que no quereban fer-ne parte, en no estar d'alcuerdo con as trazas ta esleixir-la. Buena parte d'a sesión d'ixe maitin s'ocupó en una serie de recontamientos de arrienda personas fendo a rosca a Nagore y Nabarro, remerando tot lo bueno que heban feito por l'aragonés y como muitas hebanos creixiu leyendo y aprendendo d'a suya obra. Tot parolas ta prebar de fer-les venir a plego y que colaborasen en a formación d'ixa autoridat lingüistica que, dimpués de trenta anyadas de movimiento d'esfensa d'a luenga, yera tant amanada.


Amprau de Fuellas nº 170
Por primer vegada en muitismo tiempo, quasi tot lo movimiento en esfensa de l'aragonés yera chunto fendo un II Congreso, hereu d'ixe I Congreso d'o 87. Pero os alazetz pareixeban masiau febles y podeba esfer-se en un petén.

L'Academia se trigó, con 105 votos a favor, 23 en contra, un voto nulo y 5 abstencions. O nombre legal no podeba estar Academia de l'aragonés por dos razons. D'una man, nomás l'administración puede creyar una academia. D'atra, ixe nombre lo heban rechistrau ta fer una asociación os d'a FACAO. Asinas que l'Academia de l'aragonés pasó a decir-se Estudio de Filología Aragonesa  (EFA) - Academia de l'aragonés.

Si escribo tot isto de Chuntos por l'aragonés ye porque creigo que ye important conoixer un poquet como naixió l'EFA-Academia de l'aragonés. No estió una asociación que creyoron quatre "mataus" un diya que s'aburriban. Ye una asociación naixida de tot un proceso de participación ubierto y transparent. Con defectos, prou que sí, y regular que con muitas errors, como qualsiquier colectivo humano. Pero con una historia que cal que todas conoixcamos, a lo menos, un poquet.

A grafía d'o EFA- Academia de l'aragonés
O EFA prencipió a treballar en diferents arias. Una d'ellas una reflexión sobre o modelo grafico a emplegar en aragonés. A parte que esfendeba de trazas más furas mantener punto por agulla o modelo d'o 87 heba refusau u refusoron dimpués estar parte de l'Academia, asinas que pareixeba que os criterios iban a cambiar prou cuanto a ixe modelo. Asinas estió.

En febrero de 2010, se presentaba publicament o documento "Principios y criterios para una codificación normativa de l'aragonés", y un mes dimpués a Propuesta ortografica provisional de l'EFA, ubrindo un plazo ta presentar esmiendas a lo texto. Se'n presentoron 93 que se facioron publicas y, dimpués d'un tiempo de debat, se publicó a la fin, en Aviento de 2010 a Propuesta Ortografica de l'Academia de l'aragonés.

... y lo que vinió dimpués
En istas anyadas bi ha habiu temporadas con mayor y menor agresividat entre os diferents modelos graficos. Bi habió mientres tiempos una mena de "pacto de no agresión" crebau en diferents ocasions. En zagueras a virulencia d'as enrestidas ye encara mayor, por qüestions más politicas que no pas lingüisticas.

L'aragonés en istos zaguers trenta anyos s'ha escrito de muitas trazas. Hue (mal)conviven dos grans propuestas graficas, con una tercer (a d'a SLA) con menor refirme, y con qui escriben prenendo dreitament a grafía d'o castellano como modelo.



Por ixo,  Pepe Soro miente en Twitter (en castellano, of course) quan da como unica opción grafica ta l'aragonés la d'o 87 no aduyan precisament. L'aragonés, Sr Soro, lo escribimos cadagún como queremos y podemos. Lo han escrito cientos de personas, patrimonials y no patrimonials, como han quiesto y puesto mientres totz istos anyos. ¿Vas a decir-les, por eixemplo, a los chesos, que no escriben en aragonés? ¿U a Quino Villa u a Elena Chazal? ¿U a yo mesmo?

En l'atro cabo, tampoco no me fan guaire goyo bellas actitutz bambosas ent'as personas que continan fendo servir a grafía d'o 87, u a minusvaloración que se fa d'a historia d'a mesma. A la fin, cientos de neofablants aprendiemos aragonés con ixa grafía y mientres anyadas nos fació honra ta expresar-nos en ista luenga.

Dezaga d'a luita grafica bi'n ha muitas atras. Bi'n ha de politicas, prou que sí. Tamién bi ha prous diferencias entre os modelos de luenga que esfienden unas, atras y las de dillá (bi ha dos "bandos" grans y muitos atros chicotz....). Más u menos artificials, más u menos amanaus a lo castellano, más u menos flexibles, etc...

A guerra d'as grafías ha deixau muitos "muertos" por o camín. Chent muito cremada con iste afer, que ha deixau d'escribir u mesmo de charrar en aragonés. No ha creyau garra scisma que no existise ya, pero sí que ha afundau en ell. Ya soi estau en bellas quantas reunions y prebatinas de reendrezar a situación y me pareixe que ni agora ni en muito tiempo, ye posible una compleganza de todas as asociacions. Con que no nos faigamos boicot, ni nos metamos minas las unas a las atras m'aconortaría. Y entre que se tricolotían bells quantos, a resta, con tot en contra, habremos de fer más poders que no nunca ta continar treballando por l'aragonés.

Videos y referencias

Charrada de Fernando Sanchez sobre la grafía (2006)



Bibliografía:
I Congreso ta ra normalizazion de l'aragonés en a Enciclopedia Aragonesa
Actas d'o II Congreso de l'aragonés
Manifiesto por la unidad de la lengua aragonesa
Principios y criterios para una codificación normativa del aragonés
Propuesta ortográfica de l'Academia de l'aragonés
Normas graficas de l'aragonés (I Congreso ta ra normalizazión de l'aragonés)
Fuellas numer 170 (nobiembre - abiento 2005)
Academia de l'aragones
Consello d'a Fabla
Grafía SLA
Sociedat de Lingüistica Aragonesa
SLA en a Wikipedia
Revista O Espiello numer 8 (aviento 2003)

16 comentarios:

Anónimo dijo...

Una demandeta: A grafía EFA ye aceptada por os patrimonials (problema inicial) u no ha feito honra que ta trestallar tot un poquet más?

Anónimo dijo...

Tien muita mas acceptación en as vals a on l'aragonés ye mas vivo, y muitos patrimonials la fan servir. Ye cierto que muitos dicen que continan emplegando grafías propias basadas en a d'o castellano, dica que no quede mas claro o panorama y acabe iste ambient enrareciu. Pero mientras manifiesta que acceptarían a grafía proposada por l'EFA, refusan de tot a grafía 87.

Asinas que nos cal recomponer a unidat, arredol d'a grafía EFA, u bella grafía de compromís basada en ella, y a mas gran parte d'escritors patrimonials irán dezaga.

Anónimo dijo...

La grafía EFA es rechazada por los patrimoniales. De hecho, ya se han encargado de ocultarla en los pueblos para meterla a escondidas en el currículo de primaria aprovechando que controlan la asesoría de lenguas. Tiempo al tiempo, y ya verás lo que va a ocurrir por querer asegurarse el sillón en DGA a costa del bando contrario.

Anónimo dijo...

Feba tiempos ascuitaba d'os d'a EFA que ellos charraban aragonés y os d'o CFA yeran os d'a "FABLA". Gran prepotencia.

Agora ascuito a os d'o CFA que ellos charran aragonés y que os d'o EFA son os d'o LAPAPYP. Gran prepotencia.

A CHA no l'ha feito mica gracia veyer cómo más chent s'intresa y treballa por l'aragonés dillá d'ellos. Nunca no han asumiu que l'aragonés ye un patrimonio cultural y no un instrumento politico a emplegar por ellos. A suya reacción ha estau prepotent y infantil. Os comunicaus de Susín, de pena.

RUBRA SIMIENT dijo...

Fablar de bandos y de sillons me pareix endino. Cal veyer as cosas con más naturalidat, l'actitut que acompanyaba a la grafía de o 87 por un regular no heba feito un treballo efectivo y no acceptaba disidencias, sona muit stalinista, pero ye asinas, y a radiz de querer bochar-se una mica a la fin buscando un consenso s'ha acabau asinas.
¿A pregunta ye se quiere consenso? Ta ixo se va a renunciar a la postura de cada uno? Muitos ya faciemos ixe esfuerzo y se clama grafía EFA, con as suyas cosas millors y piors.

Raúl dijo...

D'as zagueras noticias sobre isto charré l'atro diya en o blog de yo.
Ye pro embolicau e yo contino tenindo muitas preguntas... ¿por que bi ha miembros d'o EFA que no fan servir a grafía EFA?
¿Qué queren os patimonials? Beluns ya i son en o EFA, d'a resta ¿? Supeditar a grafía d'una luenga ta las normas d'unatra no creigo que siga o camín...

Anónimo dijo...

Hay un dato en el que te equivocas, y me parece importante, porque explica bastantes cosas. Y, como siempre, hace recaer las culpas de todo en Francho Nagore. Pero resulta que:

1. El IEA se desvinculó por algo muy concreto del Congreso: porque éste, el Congreso, tenía prohibido expresamente por el Gobierno de Aragón el que de él emanase algo llamado "academia". La prohibión es de mayo de 2006 y va firmada por Juan José Vázquez. En consecuencia, y ante la pertinacia de los organizadores del Congreso en que da ahí saliese algo que estaba prohibido por las instituciones oficiales, al IEA, que es una institución oficial, no le quedó otro remedio que desvincularse.

2.- El IEA NO estaba entonces presidido ni dirigido por Francho Nagore. Bien está que no os guste este hombre, pero por favor, NO lo pongáis donde no estaba (con lo cual, encima, le agrandáis el currículum).

Entiendo que algunas cosas las conocerás de oídas. Ten en cuenta que tus fuentes pueden ser interesadas. Gracias.

Barrenau dijo...

Ta o zaguer anonimo:
1. O IEA se desvincló, oficialment, por lo que dices. Con tot y con ixo, no iba a salir bella cosa VIEDADA por o Gubierno, sino NO RECONOIXIDA, que ye prou diferent. No se yera fendo desobediencia civil ni cosa parellana, como bien contrimuestra l'actitut ubierta que amostroron tanto Vázquez, representando a lo Gubierno como Petriz, representando a la Universidat de Zaragoza. O IEA puede fer lo que quiera y chustificar-lo como quiera. Ta yo, estió una error. Y no he dito que lo fese por atras razons, encara que lo pensase.
2. Tiens razón. Francho Nagore, t'a part d'alavez yera vicepresident, no pas president. Sincusas por a error. Ya ye cambiau en o texto.
No tiengo garra quimera en particular contra Nagore. En o mundet de l'aragonés bi'n ha de piors y de millors, prou que sí. Ixo sí, creigo que ha preso, y contina prenendo, muitas actitutz y decisions que han feito más mal que bien a l'aragonés. Y, en concreto, en o II Congreso, ta yo, prebó de malmeter una oportunidat historica. Opinión personal, prou que sí.
Prou que ha feito tamién muitas atras cosas muito bien, como ya nos encarguemos d'enumerar en o debantdito Congreso mientres tot un maitin.
Gracias por a tuya aportación

Chuntero dijo...

Ya faltaba ra cretica a Soro y ro comentario antichuntero.

Como miembro de CHA, a yo m'amuela que atra chen bienga a fer cosas sin ir por o camín que nusatros escomenzipiemos fa muitas añadas. O PP que tanto mal ha feito a l'aragonés agora se quiere meter, pero no t'aduyar, sino ta quitar-le a ra nuestra fabla ro suyo nombre y ra suya categoría de luenga, y tirar tot ro nuestro traballo.

L'aragonés sin Chunta Aragonesista ya serba amortato. Busatros os de ras asoziazions nomás ez barallato y no ez feito cosa, y agora incluso refirmaz ro LAPAPYP. Y dica que Chunta Aragonesista no plegue ta ro poder, no se podrán fer más cosas.

Aragón y l'aragonés solamén pueden sobrebibir con una CHA fuerte, y no con filologos ababols ni asoziazions que no han feito cosa ni patrimonials que si podiesen no lo charrarían. Y por muito que se metan tozolas, l'aragonés ye patrimonio de CHA y prou. Porque somos ros onicos que emos treballato por isto. Leyer-sus "L'aragonés en o sieglo XXI", que muita falta sus fa.

Ye curioso que os ecstremistas radicals de Puyalón agora s'achunte con o PP y esfiendan tamién ro LAPAPYP.... Cuanto listeras ababol...
Dios los cría y ellos se juntan.

Y tot isto ro dize un patrimonial conzienziato.

Anónimo dijo...

Gracias. Pues es que las dos cuestiones que antes te comentaba tienen importancia, porque cambian en buena medida el sentido de lo que dices. Según dabas a entender, el IEA se había ido más o menos porque sí. Porque la tensión había aumentado, etc. Y en ello andaba envuelto Nagore, que lo presidía. Ya ves que no fue así. El IEA se marchó por esas razones. Porque el GA dijo que no podía nombrar una Academia. Ni siquiera una asociación que se llamase oficialmente Academia. ¿Cómo iba a estar en un proceso que contravenía lo que una instancia superior indicaba? Ese tipo de decisiones del IEA no son ni siquiera propias: cuentan con el visto bueno del presidente de la Diputación de Huesca. Tienen que ser autorizadas por él... En cuanto a Pétriz, a Vázquez, no dudo de que mostrasen una actitud abierta. También Cosculluela (DPH), si no recuerdo mal, participó en la inauguración del Congreso. La amabilidad no está reñida con ciertas disposiciones oficiales...

Anónimo dijo...

(Entiéndase: "...porque el GA dijo que el Congreso no podía nombrar una Academia...").

En suma: las apariencias engañan. Y si se tiene fijación contra algo o alguien, más aún.

Gracias otra vez.

Anónimo dijo...

1. Puyalón mai no ha refirmau lo termin LAPAPYP. Ya ye prou de mentir.
2. Muito buen articlo. Felicidatz.

Anónimo dijo...

Varias cosetas

1. O CFA refirmaba tot lo proceso de Chuntos dica que en CharrandoTB se va penchar ixe video que nos amuestras de Fernando Sánchez. Paraz cuenta que somos parlando de 2006. En que va vier ixe video se carrañó prou y va decidir que no quereba ixes compañers de viache, ya que el no quereba fer l'autoridat lingüistica ta cmabear a grafia. Ixe video estió prou important.

2. Encara no mos alcordamos del RARAGONES (serba amortato y cosas parellanas), a vergoña que pasábanos.

Anónimo dijo...

Hola. Gracias por el artículo. No escribo en aragonés, porque no quiero hacer más mala sangre, y porque creo que ni lo voy a hablar a este paso y me voy a pasar al globish.
Estamos haciendo la risa. Alguien que lea este artículo y algún comentario, va a ver que esto es una cosa de críos o de "chalaus". Fablilandia, mundillo del aragonés, por favor que es una lengua y cultura milenaria, no un fanzine de 3 al cuarto. Como se ve que no habéis mamado la lengua, y la gran mayoría buscan aquí no se qué juegos, o que problemas que creo yo darían para algún estudio. Si alguien se aburre tiene juego de tronos, vale de aficionados y de arribistas con pretensiones.
Qué los patrimoniales defienden la grafía EFA??? Ja, ja, ja, ejemplos mínimos y habría que ver lo de "por ser vos quien sois", es decir quien lo escribe. Idem de la del 87, aunque tenía más recorrido y algo más de aceptación y desarrollo literario.
Hemos creado una "academia" asambleariamente??? Os imagináis que asamableariamente decidiésemos el diagnóstico de una enfermedad? Yo tengo muy buena voluntad, quién se anima a que me ensaye como neurocirujano? Por favor, necesitamos seriedad y profesionalismo, esto es la risa, y el autor tiene muy buena intención, pero os imagináis a alguien que en el 2000 empezase a estudiar inglés criticar hoy el genitivo sajón por arcaico???
Seguimos haciendo la risa, y así nos va. Eso sí, quitare tu pa ponerme yo, y no puede ser.
Buena suerte.
Un expatrimonial pata negra, no muy "scientífico".
Mucha suerte en 20 años no queda nada a este ritmo y con estas buenas ideas, el voluntarismo a las ong, que necesitan manos, para nuestra lengua un poco de seriedad, ni por ser patrimonial, ni guaperas puedes estar en una academia, esa es una tarea ardua y dura, no una cosa de fin de semana, o de liberados.
Saludos, con el poco buen rollo que me queda.
Perdón si alguien se siente mal, no era mi intención, pero me "sulso" cuando llevamos 40 años en un callejón sin salida, por la política y por nosotros, con jueguecicos de asociaciones, alianzas y votaciones.

Anónimo dijo...

Hola. Gracias por el artículo. No escribo en aragonés, porque no quiero hacer más mala sangre, y porque creo que ni lo voy a hablar a este paso y me voy a pasar al globish.
Estamos haciendo la risa. Alguien que lea este artículo y algún comentario, va a ver que esto es una cosa de críos o de "chalaus". Fablilandia, mundillo del aragonés, por favor que es una lengua y cultura milenaria, no un fanzine de 3 al cuarto. Como se ve que no habéis mamado la lengua, y la gran mayoría buscan aquí no se qué juegos, o que problemas que creo yo darían para algún estudio. Si alguien se aburre tiene juego de tronos, vale de aficionados y de arribistas con pretensiones.
Qué los patrimoniales defienden la grafía EFA??? Ja, ja, ja, ejemplos mínimos y habría que ver lo de "por ser vos quien sois", es decir quien lo escribe. Idem de la del 87, aunque tenía más recorrido y algo más de aceptación y desarrollo literario.
Hemos creado una "academia" asambleariamente??? Os imagináis que asamableariamente decidiésemos el diagnóstico de una enfermedad? Yo tengo muy buena voluntad, quién se anima a que me ensaye como neurocirujano? Por favor, necesitamos seriedad y profesionalismo, esto es la risa, y el autor tiene muy buena intención, pero os imagináis a alguien que en el 2000 empezase a estudiar inglés criticar hoy el genitivo sajón por arcaico???
Seguimos haciendo la risa, y así nos va. Eso sí, quitare tu pa ponerme yo, y no puede ser.
Buena suerte.
Un expatrimonial pata negra, no muy "scientífico".
Mucha suerte en 20 años no queda nada a este ritmo y con estas buenas ideas, el voluntarismo a las ong, que necesitan manos, para nuestra lengua un poco de seriedad, ni por ser patrimonial, ni guaperas puedes estar en una academia, esa es una tarea ardua y dura, no una cosa de fin de semana, o de liberados.
Saludos, con el poco buen rollo que me queda.
Perdón si alguien se siente mal, no era mi intención, pero me "sulso" cuando llevamos 40 años en un callejón sin salida, por la política y por nosotros, con jueguecicos de asociaciones, alianzas y votaciones.

Anónimo dijo...

La risa, no, el ridículo se está haciendo. Alguien hablaba de estar en el sillón, de controlar, un testimonio de primera mano
http://aclica.wordpress.com/2014/07/21/tot-sacaba/
Si alguien conoce lo que ha hecho esta persona por el aragonés...
No digo más por no ploriconiar, estamos en el final, ojalá sea una equivocación, pero esto tiene una pinta...
Chuntos por... ostras que pedregada que trajo aquello.
Un amgio me decía que necesitamos un podemos en el aragonés, que venga gente nueva, que no conozca a toda la banda de "fablilandia" y que trabajen por nuestra lengua, sin medallas, sin necesitar un sillón o una plaza de mayestro en...
We wanted Paulo Ilesias.
Good luck.