jueves, 21 de junio de 2007

PIR 2007

Habemus PIR! A la fin ya se conoix a programazión d’o PIR 2007. Ta qui no conoxca iste festibal se fa toz os años en bals d’a Chazetania y bi tañen collas de Folk de toz os Pirineus. Tamién se i fan esposizions, tallers, mercau, zine.... Como toz os años as collas aragonesas tañerán, más que más, de tardis, fueras de Cadiera Coixa que autuará o Sabado de nueis (bieeeeen!). Cada año se fa en uno u barios lugars diferens (Ansó, Echo y Aragües y Chasa). Iste año toca Echo os diyas 6, 7 y 8 de Chunio.


De collas aragonesas i serán Lurte, Cadiera Coixa, Os Chotos, La Ronda de Boltaña, Val d’Echo y beluna más. A la resta no les conoxco encara que aspero que sigan buenos. Igual como en as fiestas d’a Madalena as cosas que se i faigan rai, pos lo millor d’iste festibal ye l’ambién que se fa entre toda a chen que bi imos. Ye una d’ixas fitas an que nos chuntamos buena cosa de conoxius, an que beyes a chen que no tornas a beyer dica l’atro año y an que conoxes chen de toz os puestos d’o Pirineu. Entalto lo PIR!!!!

5 comentarios:

octubre17 dijo...

bueno muchacho ya ves al final me he decidido yo tambien a comenzar mi blog, eso si prometo que será mucho menos fricki y comeflores que el tuyo.
saludos

Barrenau dijo...

A la fin tu tamién tiens egolog, e? bueno, que siga menos minchaflors y jipi que no lo mio no ye guaire difizil. Agora ya nomas te cal estudiar aragonés, jejeje. Que te baiga bueno!

Anónimo dijo...

Eip..sabez si bi ha acampada de baldes iste año?

Barrenau dijo...

Estoi que no bi'n abrá. Fa tres años estiemos cuasi toz en o camping d'Echo (bosando). No sé si iste año será diferén pero conto que o mainate d'o camping s'encarrañaría asabelo...

Anónimo dijo...

de todas trazas, a la fin tenié casa :D:D