jueves, 29 de abril de 2010

En leyendo... Atalaya

Plegó en as mans mías un numer d'a revista Atalaya, publicada por los Testigos de Jehová, unatra relichión alacetada en a Biblia. O catolicismo, por razons de marketing, s'avergüenya y gosa amagar (a lo menos en l'Estau espanyol) asoben d'o viello testamento y no fa guaire publicidat d'ixe viello Dios vengativo, carranyoso y ronyan que i amaneix (encara que ye o mesmo Dios que en o nuevo). Manimenos os testis y muitos atros camals d'o cristianamen sí que s'amuestran argüellosos d'ixa falordieta d'odio, venganzas y asesinatos masivos que ye a Biblia. He trigau un par de trozos d'a revista. Me'n ridié muito en primeras por o fumau que cal estar ta escribir istas cosas, pero dimpués aturas un poquet, y paras cuenta de que bi ha chent que, os alazetz d'a suya traza de vivir y pensar son istos, y pretas a tremolar de camin. Y no me soi referindo nomás que a os testigos. A Biblia ye si fa u no fa a mesma ta todas. Cananeos incluyius.


Amprau de La Atalaya anunciando el Reino de Jehová. 1 de Enero de 2010


Sobre a fin d'o mundo.
Una supuesta "fecha de caducidad"
La Biblia, que está inspirada por Dios, afrima: "Una generación va y otra viene, más la Tierra permanece para siempre" (Eclesiastés 1:4, La Biblia de las Américas). En efecto, como Jehová Dios "ha fundado la tierra sobre sus lugares establecidos", esta existencia para siempre (Salmo 104:5). ¿Le cuesta creerlo? En ese caso, veamos por qué podemos estar seguros de que los científicos que predicen el fin del planeta están equivocados.
Pongamos un ejemplo. Muchos de los artículos que se venden en las tiendas llevan una etiqueta con una fecha de caducidad o vencimiento, ¿verdad? Pero ¿quién pone esa fecha? ¿El gerente, porque tiene mucha experiencia vendiendo el producto? Es obvio que no. Solo puede hacerlo quien mejor lo conoce: el fabricante. Y por eso confiamos en que la fecha indicada es la correcta. Pues bien, Dios declara en la Biblia que ha "fijado sólidamente la tierra" para que nunca desaparezca (Salmo 119:90). Y puesto que él es su "fabricante", tenemos razones más que suficientes para confiar en que el planeta no tiene "fecha de caducidad".
Pero tal vez se pregunte: "¿Y no podría ser que los seres humanos causemos daños irreversibles al planeta?". No, eso nunca ocurrirá. A diferencia de los fabricantes humanos, Jehová es todopoderoso y puede ofrecernos una "garantía total" (Job 42:2). "mi palabra [...] tendrá éxito seguro", afirma de forma contundente (Isaías 55:11). Así pues, nada impedirá que el Creador cumpla su voluntad en la Tierra (Salmo 95:6). Ahora bien, ¿cuál es esa voluntad, o propósito, y cómo hará que se lleve a cabo?



Sobre l'acotolamiento d'os cananeos
4.- ¿Puede ser Jehová un Dios de amor y al mismo tiempo aniquilar una nación? A primera vista pudiera parecer que no (1 Juan 4:8). Sin embargo, si se analiza más de cerca la situación uno se da cuenta de lo amoroso que fue Dios.
Hacía mucho tiempo que Dios veía que los cananeos iban por mal camino. Pero en vez de exterminarlos de inmediato, esperó pacientemente durante cuatrocientos años hasta que su maldad hubiera "quedado completa" (Génesis 15:16)
En otras palabras, Jehová los destruyó cuando alcanzaron el colmo de la maldad y no había posibilidad de que cambiaran. Aún así, no exterminó indiscriminadamente a todos lo cananeos. ¿Por qué? Porque no todos eran incorregibles. Él les perdonó la vida a quienes estuvieron dispuestos a cambiar como Rahab y los gabaonitas (Josué 9:3-11, 16-27; Hebreos 11:31)

domingo, 25 de abril de 2010

microbarrenaus: just shoot me

Unatra vegada demando l'aduya d'as lectoras d'iste blog. En iste caso ye sobre una serie que feban antismas (en Cuatro u en Canal Plus, creigo remerar) que se diz orichinalment Just shoot me y que tradución en castellano como Dame un respiro. He prebau de trobar-la por seriesyonkis y atras pachinas que s'adedican a compartir cultura mientres Sinde, a SGAE y toda ixa crica d'inquisidoras nos dixen, pero no la he trobada por garra cabo. Si bell una la trobatz, u sabetz bell puesto an que mirar, dezitz-me-lo, que me feba a saber-lo de goi. Si no la remeratz tos pencho un troz d'un capitol que he trobau en Youtube. Ye en inglés porque tampoco no en he trobau guaire en castellano...

jueves, 22 de abril de 2010

Ampraus 043

Maitin ye o diya d'Aragón, se suposa. No me fan mica goi as fiestas que a suya calendata se decide por un santo, pero como tenemos tan poquetas ocasions de viyer y fer visible Aragón cal celebrar-lo, prou que sí. Con tot y con ixo, contino pensando que os diyas nacionals d'Aragón habrían d'estar o 29 de chunio y o 20 d'aviento y sacar iste San Chorche tan cristiano.

Maitín tamién ye diya d'o libro y a librería asociativa Pantera Rossa y a Biblioteca Frida Kahlo celebran bells actos. A las primers las podretz trobar en o Paseyo independencia (con os suyos nuevos -y constitucionals- sinyals) y las segundas irán de tourné por as suyas diferents siedes, tot rematando en a Plaza San Bruno, a ón que o BIC será fendo borina dende lo maitin. Un sobrebuen plan, ¿no?

Contra as casillas: En fendo a declaración d'a renta, como todas as anyadas nos trobaremos con as maldadas casilletas d'a ilesia y as ONG's. Ahiere, Antonio Aramayona publicaba en El Periódico de Aragón un articlo sobre por qué no marcar-ne garra y por qué s'habrían de sacar que, si fa u no fa, replega lo mesmo que a campanya que se ye movendo dende Europa Laica y que ya en dié treslada en Aragón Ateo. Como cada vegada que se tocan as perretas d'a ilesia os comentarios t'a noticia son penibles: que si a ilesia da de minchar a os pobres, que Espanya ye catolica y si no te fa goi marcha-ne, que os musulmans son piors... Que bien mandadicas que son as cristianas....

Aragón Colonial pasa a emplir un poquet más o fosal de blogs. Sí, fa bells pocos diyas, Chorche dió a noticia de que Aragón Colonial zarraba. Toda una pena, de un blog que tantos y tantos buenos intes nos ha feito pasar a todas y que tantas muestras de colonialismo y de nacionalismo banal nos han feito visteras. Cuento que entre todas habremos de continar fendo ixa faina tan alazetal t'o corpus teorico d'o independentismo aragonés. No doi un D.E.P. Porque Aragón Colonial contina vivo en todas nusatras y l'herencio que ha deixau se vei a escape en muitos blogs d'Aragón.

Allá va la despedida, a l'estilo de Tierra de Barrenaus con un video prou bueno de David Bowie con Nine Inch Nails repensando I'm afraid of americans con ixa firma tan particlar de NIN. Tremendo!

miércoles, 14 de abril de 2010

Egunkaria aurrera!

Como pocas noticias buenas vienen d'os chuches, cuento que l'absolución d'os directivos d'Egunkaria nos ha enfolgau a muitismas... Ya yera hora de que por una vegada se fese chusticia en un caso d'ista mena. Con tot y con ixo, chusticia no s'ha feito. Egunkaria zarró y os culpables d'ixo continan libres y sin mica problema, nian economico, porque a pinyora la bosará l'estau. Una victoria que cal celebrar, ya que tan poquetas en tenemos. He feito una chiqueta triga d'articlos publicaus sobre o tema, porque muito ye lo que s'ha escrito. Tamién dixo penchau un video que he trobau en a web de Diagonal Estatal con Fermín Muguruza. Muito bueno.












viernes, 9 de abril de 2010

Una (atra) de convocatorias

Ya ye primavera de tot y hibo si se nota! Quasi no s'adube a penchar todas as convocatorias. En pencho as que he iu conoixendo mientres istos diyas.

Marcha t'a macrogarchola de Zuera: Cal continar denunciando a politica de garcholas de l'Estau espanyol y ista marcha ya ye asaber-lo de consolidada como un referent d'as protestas y propuestas sobre iste afer. Os actos prencipian ya o viernes 9 y duran dica o domingo que se fa a marcha dica Zuera. Más info
aqui.

Chornadas d'as luengas d'Aragón: Estianyo ya ye a decisetena edición y vienen a rebutir de actos y charradas prou intresants. O programa lo tenetz aqui. Dende o viernes 9 dica o diya 17 se i charrará de toda mena de qüestions relacionadas con l'aragonés: mosica, naturaleza, amostranza, a lei de luengas.... y rematará con un concierto de La Orquestina del Fabirol y Biella Nuei. Tamién en Tarazona se ferá una charradeta o diya 17.

Carboneros: Ixe mesmo cabo de semana, d'o 16 t'o 18, en Cerveruela bi habrá una trobada de carboneros con arrienda actos. Presentación d'un libro, azoque d'artesanía, gaiters, corrida de pollos... y un conciertazo de La Ronda de Boltaña, China chana y Gen. BRUT! Podetz trobar más info en o blog d'a trobada.

Chornadas por o Galligo: Un atra anyada se fan as chornadas por o río Galligo. Ya en he charrau bella vegada y podetz viyer bella foto en Flickr de Barrenaus. En tres diyas s'adube a conoixer un poquet a redolada, tastar muitos d'os fruitos que ofreix (entre atros un sobrebuen vin), viyer como se fan as navatas y, emocionar-se viyendo-las baixar dende Morillo dica Biscarrués. Un más que recomendable cabo de semana, más que más si encara no i yes ida nunca y, una sobrebuena traza de reivindicar a vida d'os ríos y d'os suyos ecosistemas, os humanos tamién.

Sincusatz todas as que haigatz convocau cualcosa y l'haiga ixublidau. Tos remero, de todas trazas, que si queretz que publique qualsiquier noticia, convocatoria u paranoia podetz escribir-me a tierradebarrenaus@gmail.com.

jueves, 8 de abril de 2010

Retes en rete. Una cronica subchetiva

Mientres istas vacanzas de Semana Santa se celebró en Ruesta una trobada de retes en rete que miraba de trobar alternativas a o capitalismo. A pregunta que prebaba de responder-se-ie yera ¿podemos vivir sin capitalismo? Tanto por a tematica como por atras qüestions (pasar quatre diyas en o Pirineu siempre ye un buen plan) decidié d'ir-ie sin guaires asperanzas, en un primer inte. Con tot y con ixo le dié una oportunidat a la trobada y prencipié a participar-ie. Mala ideya, mocetas! Istas son bellas impresions que m'he traito d'ixa trobada.

A birolla: No soi o más indicau ta criticar as trazas de minchar de dengún, pues soi bien rarizo en o mío minchar cutiano. M'importa igual si a chent ye vechetariana, vegana, macrobiotica, carnivora u nomás mincha Fresquitos. Personalment creigo que cadagún ha de minchar o que quiera y o que le prebe bien. Lo que no me fa mica goi ye trobar-me con un texto que chustifica unas trazas de minchar porque asinas -traduzco literalment d'o pasquín- nos reconecta con a Primera Fuent, ye la Traza Sagrada de Minchar, cal tornar t'a Unidat con o Creyador y con a Creyación y asinas asinas. Lo siento, pero m'importa igual si as fateras relichiosas son alacetadas en o que dició un chodigo fa 2000 anyadas u en un indio hopi, u un Na'vi u qui siga. Ta yo ye a mesma vasuera por muito new age que siga. Ta yo como si hese bendeciu a mesa un mosén.
Debat transversal sobre treballos: Estió un d'os tallers a on que participé. Sí que'n surtión de buena ideyas pero terne que terne se centraba en as ecoaldeas. Parixeba que qui vivibamos en as ciudatz lo febanos porque no nos ne quedaba atra, porque yeranos masiau falsos ta marchar ta un lugar u bella cosa parellana. En iste caso parixeba que caleba cambiar a pregunta de ¿podemos vivir sin capitalismo? por ¿podemos fuyir d'o capitalismo?. As ecoaldeas me parixen una ideya sobrebuena y creigo que cal refirmar-las dende os lugars y as ciudatz. Creigo que son una buena cosa ta fuyir d'o capitalismo y fer vistero que se puede funcionar d'atras trazas. Pero, ¿se puede fuyir d'o capitalismo ta cutio? Si bell diya as ecoaldeas se tornasen inquestas, ¿no remataría o capitalismo con ellas de camín? Creigo que o capitalismo no tien medrana d'as ecoaldeas porque no son guaire menaza (a lo menos por agora). Cal luitar en muitos frents y ixe prou que puet estar-ne uno, pero a o capitalismo va a caler espaldar-lo, y tamién dende as ciudatz.

Marcha t'Artieda: Probablement o millor que se i fació. Una d'as poquetas cosas que remeraba a on se feba a trobada, antimás d'os espiellos que bell una dixó en a “botiga de baldes”. Se fació una curseta dica a ermita de San Juan de Maltray amán de l'entibo, que rebutiba d'augua, a on que no explicoron a nueva campanya que son fendo. Aprofitando l'anyo Xacobeo han dixau un fascal de cantals pintaus d'azul en os puestos menazaus por o recreiximiento de Yesa. A ideya ye que ixos cantals vaigan dixando-se por tot lo Camín de San Chaime ta fer vistera a luita contra Yesa. A noticia podetz leyer-la aqui. Tamién estioron explicando a suya luita y, chusto quan se prencipiaba a charrar d'a mercantilización de l'augua y a suya consideración como un bien de mercau igual como qualsiquier atro, un atro iluminau de tantos que bi'n heba pretó a charrar de no se qué d'os druidas y d'os celtas, ixublidando o debat important. A la CHE, os druidas rai. Y a o capitalismo tamién. Dimpués a mesma infumable colleta prencipió a acarrazar a tierra u lo sol u fer bell saludo cosmico, mientres a minoritara resta encetabamos o camín enta Artieda.

Carne de secta: Garra cruz, ni estrelas de David, ni chent rezando cara t'a Meca ni cosa parellana. Y con tot y con ixo, pocos puestos tan relichiosos he visto como ista trobada. Un pasquin m'informaba de que a mía firma astronomica m'ubriba a s puertas de l'espacio cuatridimensional (sic). Unatro de que m'heba de conectar con a Primera Fuent y a Creyación (viyer más alto). Un taller o sabado de tardis prebaba de convencer-me de que bi heba una filosofía china que chuntaba l'astrolochía y a fisica quantica. A yo, que as relichions, as supersticions y as sectas ye tot lo mesmo, me parixeba estar en un campamento de Corazonistas.

Lo positivo: Prou que me'n levo d'experiencias positivas. 1. As companyeras que estiemos chuntas y con qui faciemos buens ratos y buena pacheta. Conoixer más a las companyeras de luitas siempre ye bueno. 2. Tamién i conoixié chent que no yera barrenada y que aspero tornar a escunzar-me. 3. Conoixer un puesto tan repoliu como Ruesta que nunca no i yera estau y viyer como quedan os lugars eshabitaus por os entibos. Tenetz fotos penchadas en Flickr de Barrenaus y aqui alto. 4. Saber con qué mena de chent no se puet contar en caso de revolución y conoixer un poco más a ixe ente clamau humanidat... 5. Viyer naixer una protorelichión, que siempre ye curioso. 6. Haber espardiu luitas como l'aragonés u os entibos entre chent de muitos cabos d'ista parti d'Europa (bi heba dende andaluces, portugueses u extremenyos, dica alemans u mesmo bell australiano espisguardau...)

A tamás de todas as queixas a valuración cheneral no ye mala de tot. Cuento, y aspero, que toda a crica de barrenadas que bi habió d'entre ixas cincocientas personas que bi estiemos, yeran minoría y que sí que bi ha chent treballadera entre a hippiealla (fote con o neolochismo!). Y tot lo aprendiu a ran d'organización y de trazas de treballar podría aplicar-se perfectament a todas as luitas anticapitalistas dende atra ambiesta y atras dembas. Si bella vegada se tornase a repetir i tornaría, ixo sí, sabendo lo que i trobaré y parando un taller titulau "misticismo y relichión, a mesma mierda ye".

martes, 6 de abril de 2010

En leyendo... Mario Benedetti

Uno de Benedetti ta celebrar as zaguers ueito anyadas chunto a Arale. Por muitas más anyadas igual de buenas...

Te quiero

Tus manos son mi caricia,
mis acordes cotidianos;
te quiero porque tus manos
trabajan por la justicia.

Si te quiero es porque sos
mi amor, mi cómplice, y todo.
Y en la calle codo a codo
somos mucho más que dos.

Tus ojos son mi conjuro
contra la mala jornada;
te quiero por tu mirada
que mira y siembra futuro.

Tu boca que es tuya y mía,
Tu boca no se equivoca;
te quiero por que tu boca
sabe gritar rebeldía.

Si te quiero es porque sos
mi amor mi cómplice y todo.
Y en la calle codo a codo
somos mucho más que dos.

Y por tu rostro sincero.
Y tu paso vagabundo.
Y tu llanto por el mundo.
Porque sos pueblo te quiero.

Y porque amor no es aurora,
ni cándida moraleja,
y porque somos pareja
que sabe que no está sola.

Te quiero en mi paraíso;
es decir, que en mi país
la gente vive feliz
aunque no tenga permiso.

Si te quiero es por que sos
mi amor, mi cómplice y todo.
Y en la calle codo a codo
somos mucho más que dos.