sábado, 30 de enero de 2010

Fito & the monyas

En tasament dos diyas bi ha habiu dos fitas mosicals en Zaragoza bien diferents. A primer, o chueves de nueis, o concierto de La cabra mecánica y Fito & Fittipaldis y a segunda o Roscón Rock. D'as dos cal charrar-ne bella mica y as dos compartioron o parte “territorial” de TVE-Aragón. Dos companyeras y conoixidas de muitas que leyetz iste blog i aparixen en o video penchau abaixo. O primer en o minuto 13:45 charrando sobre o Roscón Rock y a segunda en o minuto 23 sobre o concierto de Fito.

No soi d'alcuerdo con que, como diz ixa personeta en o video, Fito faiga pop, encara que o rock que fa ye cada vegada más floixet. Ya decepciona prou o disco nuevo, que ye l'anterior con o debuixo d'a portalada cambiau, pero asperaba un concierto más canyero y no una sucesión de monyadas. La cabra mecánica transmitió muito más en a cacana horeta que podión tañer que Fito en a suya siesta-concierto de 2 horas y meya. Nomás Deltoya podió despertar-me, ta que a escape, se me tornasen a cayer os parpiellos con a siguient.

O rock ye muito más que no a mosica. Ye una traza de sentir y vivir a mosica y, dende ixa ambiesta, a mozeta d'a TV tien muita razón. Lo de Fito ya no ye rock. Y d'o publico, millor no decir-ne guaire. En que remató La cabra mecanica, disaparixió toda a marihuana que se yera fumando y amanixioron como camparols os iPhones ta grabar Soldadito marinero y penchar-lo en Youtube a l'atro'l diya. Qué chent, mañas!

Manimenos, en o roscón rock sí que bi eba rock. Zagalas y zagals que s'organizoron fa ya bellas anyadas ta reivindicar os puestos an que fer conciertos en ista inmortal ciudat. Zaragoza tien grands mosicas y mosicos a tamás d'a suya politica cultural, muitas vegadas inexistent. Fer una gambada ayere por o Paseyo Independencia u por as plazas yera un goi. En cada cantón te trobabas un estilo mosical diferent, una colla de chent que, a lo menos por agora, vive a mosica con deleria y transmite ixa rasmia. Chent que se mereix os 25 euros d'a dentrada de Fito muito más que no él.

Noticias Aragón (29/01/10)


viernes, 29 de enero de 2010

microbarrenaus: un flumen... u dos

“Un flumen(1) de lugars s’ufren ta aloixar o cementerio nucleyar” diz a noticia d’Antena 3. Ixorrontau, aspero bel poquet más y a noticia contina. O numer de lugars que se ufren a ixo ye de 12. Y dicen un flumen. Nomás en Aragón bi ha más de 700 lugars, creigo remerar, y en l’Estau espanyol bi ha 8112 municipios (y cadagún puet tener más d’un lugar) asinas que, en reyalidat, nomás un 0,15 % d’os municipios de l’Estau espanyol luitan por tener o debandito cementerio nucleyar. Y ixo ye un flumen!. Ta contimparar con bella cosa, Iniciativa Internacionalista tenió un 0,20% de votos en 2009 y garra periodista dició que hese teniu un flumen de votos.
(1) (Traducción libre de “aluvión” en a noticia en castellano)

miércoles, 27 de enero de 2010

En leyendo... El pensamiento secuestrado

Ayer estié viyendo Brüno y quedando-me sin sangre en a pocha con a homofobia d'a chent d'EE.UU. Remeré tot lo leyiu en o libro de Susan George "El pensamiento secuestrado", que dión con Publico fa bellas semanas. Ye muito intresant viyer como a dreita d'os USA s'ha feito con o poder en muitas dembas y lo barrenadas que pueden plegar a estar. I adedica, en o libro, un capitol especialment t'a relichión an que charra muito sobre l'amostranza. D'ixe capitol he preso iste trozet que pencho abaixo. Por cierto, o que diz en o libro sobre as estratechias d'a dreita d'EE.UU. ye muito más aplicable que no creyemos a l'Estau espanyol. D'ixo tamién aspero poder charrar bel diya.

Amprau de El pensamiento secuestrado. Susan George. Biblioteca de pensamiento crítico. Público y Icaria editorial. 2009. Edición en castellano. Traducción a l'aragonés de Tierra de Barrenaus.


[...] Tampoco no bi ha garra supervisión d'os libros de texto, varios d'els prenen a postura creacionista d'a "tierra choven" y presentan simplament a falordia biblica d'o Chenesis como "ciencia". O chuicio de Dover (Pensilvania) estió una motivación más ta muitas familias que yeran carrañadas porque o tribunal no heba permitiu l'amostranza d'o disenyo intelichent en as escuelas publicas. Agora os pais, pueden, legalment, amostrar y negar-se a amostrar los que les parixca.
Tocant a o curriculum, a evolución ye tabú, prou que sí, pero a inventiva de beluns d'os textos de "ciencias" gana a lo millor d'a ciencia ficción. Una rapida cursa por o misterio machico inclui feitos tan incontrovertibles como istos:

- A creyación d'a tierra ocurrió fa alto u baixo 6000 anyos; sincusatz por repetir-me, o lector ya lo sabe.
- O metodo d'o carbono y atros metodos de datación radiometricos, que diz que contrimuestran a existencia de rocas de más de 6000 anyos d'edat, son poco fiables.
- Estar homosexual achique l'asperanza de vida, a la edat de 20 anyos, a lo menos entre 8 y 20 anyos, y agranda asaber-lo o risque de tener cancer de mama.
- O cambio climatico no se producirá porque Dios proporciona "controls y contrapesos" asinas que no bi ha risque d'una esferra debida a lo calentamiento global.
- O Gran Canyón se formó mientres o Diluvio Universal.
- Si han sentiu que a luz d'as estrelas que viyemos actualment estió emitida fa mils de millons de anyos ye una ilusión. A velocidat d'a luz yera antismás muito más rapeda que no agora.

Encara no somos en condicions de anunciar que a luna ye feita de queso verde, pero les demandamos un poco de paciencia, os nuestros cientificos son treballando en ixo.

sábado, 23 de enero de 2010

Alicatadors crisitanos

As gambadetas d'o sabado de maitins, antimás de fer buena honra t'o reseco, de cabo ta cuan te dixan imachens como ista que pencho. La he trobada en a carrera Jose Luis Pomarón, en una d'as farolas que bi ha deban de l'IES Medina Albaida. Podetz viyer-la más grand punchando-ie. Paratz cuenta en tot: antimás de lo de "alicatadores de primera cristianos", abaixo, antiparti de pres economicos y sin competencia, ufren ¡bendicions!. No se vei en a foto, pero tamién meteba, escrito a boli un poquet más alto "bendisiones", que istos tampoco no s'aclaran con as grafías... O cristianismo plega ya en totz os cabos. De bez que t'alicatan, te bendicen. Increyible-ble....

jueves, 21 de enero de 2010

Ampraus 037

Por una vegada me va a salir un Ampraus sin charrar de relichión. Y ixo que de motivos en tendría un buen fascal (como malfurrian diners, as fateras d'o papa, lo de Belchite...) pero ixo ye que da ta fer un blog.... Ummmm Soi pensando que.... Bueno, prencipio con iste amprau y ya iremos charrando.

Os nuestros mons no s'ixublidan: Ye o nombre d'una nueva plataforma que se presenta o viernes 22 en Andorra.
A plataforma s'ha creyau ta remerar os incendios que bi habió fa ya seis meses y que ni a ciudadanía ni as alministracions les ixubliden. Atra d'as razons ta creyar-la ye que a chent s'embrece y participe en a chestión d'os mons y o meyo natural suyo. Asinas que bienplegada ista plataforma que de seguras que ferá honra en aquellas tierras que tanta aduya les cal y en tot Aragón amostrando como s'han de fer as cosas.

A espelunga de Chaves: En iste caso no estió un maldau accident, ni a inevitabilidat. Estió a man humana en una d'as más grands muestras d'o cazurricos que somos en Aragón. Ta conoixer un poquet más lo que pasó y la importancia d'a espelunga de Chaves s'ha feito un video que podetz viyer en
iste vinclo.Antimás se son movendo charradas ta viyer o video y charrar dimpués con expertos en o tema. A venien se ferá o miercols 27 en o centro Joaquín Roncal de Zaragoza (C / San Braulio, a o canto d'o Pilar). Podetz continar viyendo as novedats en o blog que han creyau.

Yo tampoco: Gracias a Adeban m'enteré d'
ista iniciativa en contra d'a tortura de toros. Dimpués tamién en dió treslat Publico. As antitaurinas imos fendo trangos entabán. As taurinas son cada diya más carrañadas y ixorrontadas. Cada diya les queda menos... Itz puyando as vuestras fotos y dixando os vuestros mensaches de refirme. En l'inte que escribo isto somos 316 aragonesas as que hemos refirmau a iniciativa.

Fethi: Un caso que cuasi no me baga nian de charrar-ne de lo rapedo que ha pasau tot. Cuasi fan fuera de l'estau a un compañer d'o rete de refirme a os sinpapels y gracias, entre atrás cosas, a la movilización y a la solidaridat de muitas s'ha conseguiu que pueda continar vivindo con nusatras. Tot un eixemplo de que a movilización popular puede funcionar. Y tot montau vía correus y blogs! Podetz leyer tot lo que pasó
aquí y aquí.

Graficament: Guarda si pencho cosas que creigo que creyarán polemica y pasan sin estar ni comentadas y talment ni leyidas. Pero be-te-me que o post sobre a grafía sí que ha estau bien comentau. Tos animo a alportar-ie a vuestra opinión, que no i hemos charrau que tres (más que más, dos, o neoarcaico y o paleomoderno, -que bien nos lo pasamos-). Y tamién en cualsiquier atro articlo que escriba, que me fa goi de viyer que se me lei!


Chiapas:Diz Arale que ista tardi vaigatz todas t'a charrada que fa o Caracol Zaragoza sobre a situación en Chiapas. Digo yo que ye bien intresant. Ye una charrada que ya s'ha iu movendo por muitos lugars d'Aragón y que a la fin plega en a Inmortal. Será en o CSO El adoquín (bico d'as Fuents), a las 19:00. A info la tenetz aqui.

De videos, no'n he trobau mica bueno, asinas que habré de tirar de l'archivo de mixins estalapizando-se y fendo o fato que tiengo. Muito bueno

Mixins, ¡Cómo son!:



miércoles, 20 de enero de 2010

microbarrenaus: comentando a grafía

Por si beluna no en heba parau cuenta, en l'anterior post ye habendo un debat sobre a custión grafica de l'aragonés. Como en iste blog no ye guaire cutiano que bi haiga tantos comentarios, tos lo digo, por si tos queretz sumar-ie. Que tos faiga buen prebo y asperemos plegar en bel cabo.

domingo, 17 de enero de 2010

Sobre a/s grafía/s

Diz Florencio en un comentario que no le fa goi a grafía que foi servir dende fa bell tiempo en iste blog. Me demanda tamién que escriba un articlo dando as mías razons. A verdat ye que quereba haber-lo escrito antis de cambiar de grafía, pero lo fue dixando y nunca no trobaba l'inte. Asinas que gracias por remerar-me que heba d'escribir iste articlo.

L'obchetivo mío tocant a l'aragonés ye que contine vivo. Que se contine fendo servir ta tot lo que s'ha feito servir dica agora y que vaiga enamplando os suyos emplegos ta guaranciar a suya supervivencia. Alavez siempre prebaré de fer lo que creiga que ye millor t'a supervivencia de l'aragonés y a suya espardidura. A pregunta ye si ye important ta ixo que l'aragonés tienga una grafía, cuál, con que características, ….

Sí. Creigo que a l'aragonés le cal una (y nomás una) grafía y una (y nomás una) norma. Por agora me centraré en a grafía. ¿Qué opcions bi ha? D'una man continar fendo servir
a grafía d'o 87. D'atra fer servir a grafía que aprebe l'academia de l'aragonés. (Remero que ya ye oficial y publico que l'Academia de l'aragonés ferá una nueva grafía encara que no se conoixen os detalles.) Prou que bi ha atras opcions, como son fer servir a grafía castellana, a catalana, inventar-se-ne una nueva, u fer servir a que fa servir a SLA en a revista suya y en bells libros y revistas bellas vegadas. Istas nunca no las he consideradas por diferents motivos.

A grafía d'o 87 ye estada util mientres muitas anyadas. No sé si hese feito más honra belatra u no pas, pero a verdat ye que muitas personas hemos aprendiu y amostrau aragonés con ixa grafía. Y hemos aduyau, alavez, a estendillar o suyo emplego (remero que ixe ye l'obchetivo mío). Con tot y con ixo, especialment en as zaguers anyadas, ye estada a saber-lo de custionada. Y con muitas razons. De feito nomás bi ha dos razons ta continar esfendendo ixa grafía: que ye de facil aprender y que leva fendo-se servir 30 anyadas si fa u no fa. Si nos importase a primer razón no seríamos en isto. Lo que ye facil de tot ye charrar castellano que ye a nuestra luenga materna y prou. Por lo d'a tradición tampoco no cal fer-se-ne. Os chesos nunca no la han feito servir y a situación d'o cheso no ye ni millor ni pior que la d'o chistavín, o pandicuto u o benasqués por o feito de no haber feito servir as normas d'o 87. Antimás una tradición de 30 anyos tarda menos de 10 en ixublidar-se.

A mía opción ye fer servir a que diga l'autoridat lingüistica de l'aragonés. Como d'oficial no'n tenemos, caldrá trigar-ne una que decida como s'ha d'escribir l'aragonés (y muitas atras cosas, pero ixo t'atro articlo). Hue as unicas que fan ixa faina son o Consello Asesor y l'Academia de l'aragonés. O Consello Asesor ye un organo interno d'una asociación. No sé ni como s'eslixe ni d'entre qui, ni con qué criterios y reyalment sisquiá sé si preban de que a resta de aragonesofablans faigamos servir os suyos regles. L'alternativa, que ye l'Academia de l'aragonés, tenió tot un proceso ubierto pataler a tot lo mundo. Mientres muitos meses se petenió por tot Aragón mirando de plegar en alcuerdos y, finalment o consenso estió prou amplo, encara que ye verdat que no completo, pos bi fuyón a zaguer hora bellas pocas personas. ¿Ye l'Academia de l'aragonés perfecta? Prou que no, pero ye o millor que tenemos. Y lo milllor y más representativo en muitas anyadas.

En no estar lingüista ni filologo ni cosa parellana, habré de confitar en a chent que sí que'n ye y, d'entre ellas, en as que más confitanza me den. Ixas agora son as academicas. Antimás, totz os motivos que m'han dau ta cambiar de grafía son buenos. Ye más facil ta que totz os dialectos se sientan representaus, no creba con a tradición meyebal, ye más parellana a las luengas romanicas vecinas... Os motivos que m'han dau ta esfender a grafía d'o 87 son prou zaborreros: galvana, esferenciar-se d'o castellano (fendo servir a “ñ”!), que ye de dificil aprender.... Ta una personas d'intelichencia alto u baixo meya, no ye guaire dificil aprender a escribir en unatra grafía, antimás tan parellana a la castellana como ye “a nueva”. Con tot y con ixo a las que hemos aprendiu con la d'o 87 sí que ye verdat que se nos fa dificil de cambiar o chip. Y ixe ye o principal motivo que tiengo ta cambiar de grafía. Encara no sé cual será a grafía proposada por l'Academia, pero sé que alto u baixo irá por a endrezera que muitas levamos ya. Asinas que quiero ir fendo-me-ie, más que más por poder amostrar-la cuan me toque.

Como totz os cambios en a luenga, a chent se carraña muito por cosas que creigo que no son tan importants. ¿Importa tanto si siempre foi servir o femenino u si escribo con v y h? Asperemos que tot isto vaiga aclarindo-se antis con antis y todas faigamos servir una (y nomás una) norma. Y si me cal tornar t'a grafía d'o 87, encara que creiga que ye una error, i tornaré, y no me'n feré masiau...

Aspero haber-te respondiu. Charrabis, en o blog suyo tamién ha charrau sobre a grafía nueva y, como siempre, muito bien. Te / tos recomiendo que lo leigatz. Tamién tos recomiendo os videos que pencho contino, encara que cuento que ya lo habretz visto milenta vegadas.


miércoles, 13 de enero de 2010

En leyendo.... Sostiene Pereira

Unatra más. Tierra de Barrenaus fa a debantadera d'una nueva sección. Se diz "En leyendo..." y bi pencharé trozos de libros, articlos u lo que m'agane por diferents motivos. Talment por o suyo conteniu, a calidat literaria, l'orichinalidat, a umor u lo que sía. Por agora y como primer troz, prencipio con "Una testimonianza" de Antonio Tabucchi, traduciu en castellan como "Sostiene Pereira". O libro ye ambientau en 1938 en Portugal. Iste troz charra sobre o compromís político-social y a cultura. Tema siempre intresant y que en zagueras se'n ha charrau muito en ista tierreta de barrenadas. Me parixió muito bueno, igual como me'n ye parixendo o libro.
Amprau de Sostiene Pereira. Antonio Tabucchi. Edición en castellano de 1997. RBA Proyectos editoriales, Barcelona:

Pereira se dirigió a su mesa y se sentó frente a su compañero. Silva le preguntó si quería un vaso de vino blanco y él negó con la cabeza. Llamó al camarero y pidió una limonada. El vino no me sienta bien, explicó, me lo ha dicho el cardiólogo. Silva pidió una trucha con almendras y Pereira un filete de carne a la Strogonoff, con un huevo escalfado encima. Empezaron a comer en silencio, luego al cabo de un rato, Pereira preguntó a silva qué pensaba de todo esto. ¿Qué es todo esto?, preguntó Silva. Pues todos esto, dijo Pereira, lo que está sucediendo en Europa. Oh, no te preocupes, replicó Silva, aquí no estamos en Europa, estamos en Portugal. Pereira sostiene que insistió: Sí, añadió, pero tú lees los periódicos y escuchas la radio, sabes bien lo que está pasando en Alemania y en Italia, son unos fanáticos, quieren ahogar el mundo a sangre y fuego. No te preocupes, respondió Silva, están lejos. De acuerdo, continuó Pereira, pero España no está tan lejos, está a dos pasos, y tú ya sabes lo que está pasando en España, es una carnicería, y sin embargo había un gobierno constitucional, todo por culpa de un general mojigato. España también está lejos, dijo Silva, aquí estamos en Portugal. Será así, dijo Pereira, pero aquí tampoco van bien las cosas, la policía campa por sus respetos, mata a la gente, hay registros, censuras, éste es un estado autoritario, la gente no cuenta para nada, la opinión pública no cuenta para nada. Silva le miró y dejó el tenedor. Escúchame con atención, Pereira, dijo Silva, ¿tú crees aún en la opinión pública?, pues bien, la opinión pública es un truco que han inventado los anglosajones, los ingleses y los americanos, son ellos los que nos están llenando de mierda, perdona la expresión, con esa idea de la opinión pública, nosotros no hemos tenido nunca su sistema político, no tenemos sus tradiciones, no sabemos qué son los trade unions, nosotros somos gente del sur, Pereira, y obedecemos a quien grita más, a quién manda. Nosotros no somos gente del Sur, objetó Pereira, tenemos sangre celta. Pero vivimos en el Sur, dijo Silva, el clima no favorece nuestras ideas políticas, laissez faire, laissez passer, es así como estamos hechos, y además escucha, te voy a decir una cosa, yo enseño literatura y de literatura entiendo bastante, estoy haciendo una edición crítica de nuestros trovadores, las canciones de amigo, no sé si te acuerdas cuando la universidad, pues bien, los jóvenes partían para la guerra y las mujeres se quedaban en casa llorando, y los trovadores recogían sus lamentos, mandaba el rey, ¿comprendes?, mandaba el jefe, y nosotros siempre hemos tenido necesidad de un jefe, todavía hoy necesitamos un jefe. Pero yo soy periodista, replicó Pereira. ¿Y qué?, dijo Silva. Que tengo que ser libre, dijo Pereira, e informar a la gente de manera correcta. No consigo ver el nexo, dijo Silva, tú no escribes artículos de política, te encargas de la página cultural. Pereira dejó a su vez el tenedor y colocó los dedos sobre la mesa. Eres tú quien tiene que escucharme con atención, replicó, imagínate que mañana muere Marinetti, sabes a quién me refiero, ¿no?. Vagamente, dijo Silva. Pues bien, dijo Pereira, Marinetti es una alimaña, empezó cantando a la guerra, ha hecho apología de las carnicerías, es un terrorista, ha festejado la marcha sobre Roma, Marinetti es una alimaña y es necesario que yo lo diga. Vete a Inglaterra, dijo Silva, allá podrás decirlo cuantas veces quieras, tendrás un montón de lectores. Pereira se terminó el último bocado de su filete. Me voy a la cama, dijo. Inglaterra está demasiado lejos. ¿No tomas postre?, dijo Silva, a mi me apetece un trozo de tarta. Los dulces me sientan mal, dijo Pereira, me lo ha dicho el cardiólogo, y además estoy cansado del viaje, gracias por haber ido a recogerme a la estación, buenas noches y hasta mañana.
Pereira se levantó y se marchó sin decir una palabra más. Se sentía muy cansado, sostiene.

martes, 12 de enero de 2010

Convocatorias y novedat

A tamás d'estar chenero un mes prou jauto por un regular, parix que iste 2010 prencipia furo. Iste cabo de semana charrada y concierto, tot lo mesmo diya. A charrada ye organizada por a Plataforma aragonesa en esfensa d'Egunkaria. O viernes en a facultat de Economicas nos charrarán sobre iste caso tan platero de enrestida contra os dreitos de libertat d'exprisión y prensa. En rematar caldrá salir aventau, pues a las 20.30 ye anunciau lo prencipio d'o concierto por a cooficialidat que ha presto l'Asociación Cultural Nogara en “El refugio del Crápula”. Un concierto trilingüe de cantautoras an que tañerá María José Hernández por o castellano, Deschuban por l'aragonés y Temps al Temps por o catalán. Por cierto, entre que plega o cabo de semana podemos ir leyendo o nuevo Espiello que ya ye en a carrera. O numer 30, ya, y parix que estió ayere cuan ixe primer numer con ixa güellada de lupo se nos miró por primer vegada....

miércoles, 6 de enero de 2010

Ampraus 036

Qué millor ta prencipiar l’anyo que un Ampraus. Y qué millor que fer-lo con as cristianas que tantas y tantas noticias absurdas cheneran...

Cristianismo: Istas fiestas, de conchunta con a Semana Santa, son un orgasmo t’as cristianas. Nos obligan a todas a minchar-nos todas as suyas fateras por totz os cabos. Y a financiar-las. Bien de diners ta montar Belens, cantar villancicos y tot ixo. Cuento que en o preto d’ixe ambient surten titulars como iste de “Sin a familia cristiana Europa se quedaría sin fillos”. Zas, en toda la boca!. Qué grand frase! Cuanto odio ent’a tot bi ha astí aintro. Y a l’atro’l diya, cuasi sin tiempo t’alentar, trobo en o mismo periodico, una noticia sobre una ripa d’esquelas en os meyos de comunicación de masas en memoria d’os fetos abortaus. D’os muertos en milenta guerras no i diz cosa. D’os muertos por a SIDA tampoc. A chent de verdat, as que ya naixión fa tiempo, rai. Cal estar muito aventau, no? O pior de tot ye que iste mensache ye chupindo a la chent. China chana va fendo tralla en a sociedat y tien muitas y muitas seguidoras. No ye custión de fer-se-ne a mofla, pues bell diya isto puede esclatar y fer retacular totz os dreitos que tantos sieglos nos han costau de conseguir. Entre que escribiba isto ha surtiu tamién toda a polemica sobre a carroza antiabortista en Madrid, que m'ha dixau sin sangre en a pocha. Qué medrana me fa que ista crica de barrenadas pleguen en o poder! As noticias (por si no las hetz leyidas) las tenetz en istos binclos: 1, 2, 3.

Magic:En momentos de presentar-se a primer enamplada de Zendikar, Magic a blincau as cletas d'a prensa friki y s'ha colau en Interviu, an que han feito iste reportache sobre o chuego. Curioso, como poco. Por cierto, o spoiler de Worldwake lo podetz consultar aqui, y os campeonatos de Freakland de chinero aqui.

Buena chent: Ya torna o festival “Buena chen”, feito por primer vegada l'año pasau en esfensa de la val de Castanesa. Estiaño a enchaquia central ye a exclusión social. A presentación d'o festival se fació fa bells diyas en o Crapula y, a la fin, sabemos qui bi tañerá, encara que por as rumors, alto u baixo ya tenebanos bella ideya. Bi serán Tako, Lurte, Violadores del Verso +S.A., Interlude, Troko Bloko y un par de Djs. Buenizo cartel! Podretz trobar más información en a suya web http://www.buenachen.org/ cuan siga presta, que por agora ye constryuyindo-se.
De video rematadera, tos pencho una d'as millors escenas d'animación nunca feitas. Adedicau a toda ixa chent que, en os maitins de reseco d'os domingos beyebanos sondormius Pokemon y nos gronxiemos tantismo con Psyduck.

Psyduck vs Slowpoke