Alicatadors crisitanos

As gambadetas d'o sabado de maitins, antimás de fer buena honra t'o reseco, de cabo ta cuan te dixan imachens como ista que pencho. La he trobada en a carrera Jose Luis Pomarón, en una d'as farolas que bi ha deban de l'IES Medina Albaida. Podetz viyer-la más grand punchando-ie. Paratz cuenta en tot: antimás de lo de "alicatadores de primera cristianos", abaixo, antiparti de pres economicos y sin competencia, ufren ¡bendicions!. No se vei en a foto, pero tamién meteba, escrito a boli un poquet más alto "bendisiones", que istos tampoco no s'aclaran con as grafías... O cristianismo plega ya en totz os cabos. De bez que t'alicatan, te bendicen. Increyible-ble....