Ta qui no conoixca as nuestras aventuras con Orange puet leyer-las aqui (1, 2 y 3) . Dimpués de más de tres anyadas pleitiando con Orange, he de decir que nunca no heba teniu garra problema tecnico con ellas. Pero be-te-me que en iste zaguer mes soi tenendo-ne. O telefono fixo no funciona, l'ADSL de cabo ta quan s'atura y asinas asinas.... Como ta esviellar o blog mas asoben. M'he fotiu como tres horas penchau d'o telefono, reseteando routers y sentindo fateras. Cal decir tamién que, a lo menos, agora bi ha un telefono de baldes ta istas cosas: o 900 901 300 que han adhibiu fa poco a o 902 de pago que teneban.
En ista zaguer clamada, asperaba que me inviasen a una tecnica a la fin, pero no ha estau asinas. Y agora plega a parti "Barrenau carranyau". Lo primer de tot m'han demandau que enchegase un cable Ethernet t'o router. No tiengo porqué saber o qué ye ixo, pero o caso ye que lo sé pero no sabeba a on pegaba en ixe inte. A tecnica m'ha dito ¡que'n mercase uno! ¡que no valeba que un euro!. ¿Y porqué he de gastar ni un euro en un cable? A la fin, rechirando por viellas bolsas lo he trobau. En enchegar-lo a lo portatil mio a zagala ha parau cuenta de que no teneba tarcheta Ethernet. Nomas i ye o conector ta garra cabo. Dimpués de fer bellas prebatinas, resetear o router, tornar a enchegar l'ordinador y atras cosetas, m'ha cambiau a canal y no se que mas. "Mira-te a viyer si va funcionando y si deixa de funcionar, clama-nos, pero antis, consigue un ordinador con tarcheta Ethernet." "- Mire-se, no tiengo traza de conseguir-ne uno, no podrían inviar-me a una tecnica ta casa". Vale, ye mentira, puedo conseguir un ordinador con tarcheta Ethernet, pero porqué he de fer-lo? ¿Y si de verdat no podese? "Lo siento pero ta inviar-le una tecnica antis hemos de comprobar no se qué con a tarcheta Ethernet y sino no podremos inviar-le-ne una".
Cuento que en garra parti de l'achuste que facié con Orange meteba que heba de tener un ordinador con tarcheta Ethernet ni cosa parellana. ¿Qué mena de servicio tecnico tiene ista chent? Servicio tecnico no se, pero barra en tienen toda a d'o mundo...
Charrando d'o tema, somos pensando en cambiar-nos de companyia. ¿Bella lectora nos puet comentar como funciona a suya? ¿Ideyas?
1 comentario:
Estoi que una d´as millors ye Ono; Garra problema(por agora: virchencica, virchencia[...])antimas de meter-te o cable, si bi´n ha n´o tuyo bico, son bien de preu (cal decir que dica un operadaor d´atra va decir-me que no podeban fer millor ofertas que no Ono);
pero de totas trazas... ta yo ye isto como a loteria...una mica suerte (a mesma companyia fa bufar unos, dixa contentos atros...)
Publicar un comentario