O tractamiento que se le da a la chovenalla asoben en os meyos de comunicación de masas ye penible y responde a los topicos de "istos chovens de agora son muito piors que quan yo en yera" y tot ixo. Terne que terne apareixen encuestas y "noticias" a on que una crica de chovens responden sobre diferents preguntas a una periodista u reportera. En he visto muitas, por eixemplo sobre a Guerra Civil, o franquismo u a II Republica a on que todas as que i responden no'n saben mica, de l'afer que les preguntan. Eixemplo d'isto ye un d'os zaguers programas de Salvados que presenta Jordi Evole. O programa yera sobre a cucha, bi entrevistaban a Julio Anguita, a l'alcalde de Marinaleda y cosas asinas. Entre unas cosas y atras, tamién feban preguntas a chovens en a carrera sobre o qué sabeban sobre o comunismo. Como siempre, a mas gran parti fallaban as preguntas y quedaban como fatas de tot. Todas istas cosetas fan creyer a las lolas, y a las no tan lolas, que toda a chovenalla son una masa d'incultas y se meten tot argüellosas d'a suya cheneración. ¡Que buenas que yeran y no como as chovens d'agora! ¿Quan ferán una encuesta d'ixa mena a chent de "trentay"u "quarantay", edat que gosan de tener qui fa a encuesta? ¿Quan contrimostrarán que a ignorancia no ye nomás qüestion d'edat?
Manimenos l'atro diya, en viyendo El Intermedio, me trobé con tot lo contrario. Charrando d'Echipto, feban una encuesta entre as chovens que trobaron por a carrera a on que les preguntaban a on pegaba Echipto con un mapa mudo que i saliba tot lo Mediterraneo, parti d'Africa y l'Orient Meyo. Todas respondioron perfectament. De seguras que troboron a chent que no sabeba a on pegaba Echipto pero no los metioron en a noticia. Igual como que de seguras que o "Follonero" trobó a chent que sí que sabeba sobre o comunismo pero no los metioron en o video. Y asinas nos va terne que terne repetindo que as nuevas cheneracions son piors que a nuestra. De feito son a pior que nunca no bi haiga habiu.
Ya Socrates deciba en o V a.C. que "Los jóvenes hoy en día son unos tiranos. Contradicen a sus padres, devoran su comida, y le faltan al respeto a sus maestros. " y Hipocrates en o mesmo sieglo que "Los jóvenes de hoy no parecen tener respeto alguno por el pasado ni esperanza alguna para el porvenir." ¿De verdat cal repetir vint y tantos sieglos dimpués istas fateras?
O video de Salvados lo meto contino, que yera en Youtube. O video de l'Intermedio lo podetz viyer en a suya web en iste vinclo que meto abaixo, sobre o minuto 12...
El Intermedio
http://www.lasexta.com/sextatv/elintermedio/completos/el_intermedio__martes__1_febrero/364591/1
Salvados
4 comentarios:
Me ha insiprado tu articulo para volver a escribir en el blog, como siempre bien interesante
http://otubre17.blogspot.com/2011/02/sobre-chovenallas.html
No se como estieron as atras cheneracions pero yo que estoy choven puedo dicir-te que fa pena tot lo que veigo. Y te fablo de estar choven de decihueito y as cheneracions alto u baxo que cheneralment son "Belen Esteban generation", aspero que con la edat dixen d'estar argüellosos d'a ignorancia.
una benevolent sucherencia:
no costaba guaire traducir a l'aragonés a traducción a o castellán de o que hi dicioron ixes filosofos en griego
Barrenau responde:
octubre17: Muitas gracias por a honor d'inspirar-te. A viyer si asinas escribes un poquet más...
MontePico: No dubdo de que a tuya cheneración puda, igual como pude a mía (tiengo 32 anyadas) y toda a resta. Nusatras no teniemos Belén Esteban pero tenebanos atras ababolas iguals u piors.
Anonimo: De raso d'alcuerdo. Lo habría d'haber traduciu pero plegaba tardi t'o treballo y facié un "talla-apega". Sincusas.
Publicar un comentario