viernes, 4 de noviembre de 2011

Barrenau pregunta: Yo, indeciso

En zaguerias soi prou "preguntaire", pero ye que as dubdas me surten por totz os cabos. Antimás pareix que iste trestallo ye tenendo prou exito. Nomas cal viyer a cantidat de comentarios (y a calidat) en o post sobre reblar...

Como no podeba estar d'atra traza en istos diyas a mia consulta ye sobre as eleccions. Y ye tan simpla como que no sé a qui votar. Dandaleyo entre bellas candidaturas, u votar nulo. En primeras no he pensau votar en blanco ni abstener-me, pero aspero que me detz razons. Asinas que ixa ye a pregunta ¿A qui voto y por qué?

Como siempre, respuestas razonadas, por favor. Voto en Zaragoza, asinas que nomas puedo votar a os partius que se i presentan.

Aspero as vuestras respuestas...

4 comentarios:

Anónimo dijo...

Tienes dos opcions: o colaboracionismo u a resisténcia. Si votas, refirmas o sistema. Si t'abstienes, refirmas a resisténcia.
No sé si bel dia ixa resisténcia se tornará insurgéncia.
No sé tú, pero yo no aspero res d'o sistema.
L'abstencion, a lo menos, me permite siguir ensoniando.

Chen Esportibo dijo...

Qui calla, atorga.

Ta yo, veyer tot lo que en ye pasando hué y abstener-se ye como ixuplidar a nuestra responsabilidat como ciudadans. Cal nomás que meter una mica de ficacio t'os pogramas electorals ta veyer qui alportan cosas positivas y qui no en tienen ya garra de credibilidat.

Si dengún partito no te convence pas, allora ferás bien en votar nulo. Asinas, a lo menos no prechudicarás a partitos minoritarios que se presientan ta mirar de cambear as cosas. Una pena perque cada voto cuenta.

Abstener-se sirve nomás que ta lechitimar a oligocracia de PPSOE, y as suyas anviestas neoliberals d'ista crisi.

Platón diceba que qui esperna a pulitica, corre o risque de rematar estando gubernato per piyors presonas qu'ell.

Anónimo dijo...

No bi ha guaires comentários. Se coneix que a ortografia interesa pro més que no a politica. Buen sinyal.

Chen Esportibo dijo...

Si l'ortografía intresa més que no a pulitica y ixe ye un buen sinyal ta tú, Anónimo, apreviente-te t'os mayencos...

En poc no te rodiarán arriadas d'augua, sino d'esferras socials.