domingo, 19 de abril de 2009

Frikiencuesta

Fa un par de semanas Arale me regaló una maqueta chicorrona d'un Ala X (X Wing Fighter) de Star Wars. Ye asabelo de pincho y mesmo tien un monchonet de Luke y unatro de R2. En un diya que no yera Kurt, o nuestro mixín por casa, aprofité ta montar-la, pues sabeba que si i ese estau s'ese minchau todas as piezetas... O caso ye que dimpués de montar l'ala X, biyé un capitol de Galactica, estrel de baralla. Y preté a pensar. L'ala X siempre m'eba feito arrienda goyo como caza espazial, pero o Viper de Galactica tamién ye bien pincho. Antimás iste parix una miqueta más rapedo de maniobrabilidat. Ye de dar que mesmo Starbuck ye muito millor personache que no Luke, que siempre he pensau que ye d'as piors cosas de Star Wars. Con tot y con ixo, un Ala X ye, y siempre será, un Ala X. Un clasicazo d'os cazas espazials capable mesmo de fer esboldregar una Estrela d'a Muerte. Y ixo sí que no lo podría fer un Viper....

Asinas que, debán d'iste dandalo que tiengo, tos proposo a los lectors frikis d'iste blog a benién pregunta: Qué caza espazial ye millor y porqué? L'Ala -X de Star Wars u o Viper de Galactica? Podez escribir a buestra respuesta como comentario. O regalo será una biera a benién begada que tos beiga. (Nafarroako y o Diaple d'o Gadget ya sabez que tenez a obligazión moral de responder). Ta los que no los conoxcaz tos dixo penchaus contino dos bideos an que salen en aczión os dos. Alto ye una foto d'o mio Ala X montau. Y grazias a Arale! De seguras que toz os lectors d'o blog tamién te agradixerán o regalo...


Vipers:



Ala X:


2 comentarios:

Florencio dijo...

Uuuuummm, á yo los Ala X me remeran á prototipos de a segunda guerra mundial, siempre me pregunté ta qué teneban alas si yeran en o espazio y allí no son menester.

Os Vipers son pinchos y más "modernos", pero ta yo no tienen ixe encanto d'os Ala X. Suposo que será porque naxié en o 77, pero me quedo con o "primitibismo" d'os Ala X.

Diapllin dijo...

A yo Galactica no me cuaca.
Manimenos he de dezir que estoi que mesmo un caza Jedi se mincha ta brendar Vipers.
Os Ala X son rapedos, pero en maniobrabilidat os cazas Tie son muito millor.
Encara que no se dezir muito bien perque, a yo la nave que mas me cuaca ye l´Ala Y.

Tampoco no en se que ye pior, si meter-le nombre de cadena de cafeterias al de Galactica o unatro rediculo al de Star Wars.

Y meter dimpues de Dirk Benedict a Kara Thrace ta fer de Starbuck...