tag:blogger.com,1999:blog-6006187974902187161.post2253359178203363781..comments2024-01-30T13:45:36.034+00:00Comments on Tierra de barrenaus: Sobre a/s grafía/sBarrenauhttp://www.blogger.com/profile/13583171891340065416noreply@blogger.comBlogger14125tag:blogger.com,1999:blog-6006187974902187161.post-19318919809036739812010-02-06T10:44:55.539+00:002010-02-06T10:44:55.539+00:00Hola , en primerías enhorabuena por o blog , y por...Hola , en primerías enhorabuena por o blog , y por ser uno mas d'os que fan serbir a luenga en a rete, dimpués tos pido disculpas por que o mio aragonés no ye masiau bueno. <br />Yéra escando información sobre a nueba grafía y me'n trobau con busatros y me pareixe prou interesán o debate iste. yo no fa guaire que i charro y tampoco no que esscribo,y cuento que agora que a luenga ye "reconocida" caleba de fer una nueba grafía ta unificar-la , pero estoy que ye desmesurao bellas cosas d'ista nueba proposa, partamos dende que como o castellán , as luengas evoluzionan , pero ta que as grafías evoluzionen tiene que pasar asabelo de tiempo, ta plegar a la grafia que implegamos en o castellan han pasado muitas añadas y ha estau a propia luenga la que s'ha obligao a cambear seguntes a as demandas d'a soziedat, cuento que agora dengún dice "vuestras mercedes" jejej, tamién creigo que encara que ye bueno rescatar bels latinismos d'os primers escritos que se i feban, cal remerar que ixos escritos se i feban en a edat meya bi yeran feitos por monjes ,(o pueblo no sabeba cosa encara d'o que yera una pluma)y que como en o castellan s'han ido deixan-do d'implegar, por ixo no trobo lo sentiu a fer en binte años lo que a propia luenga a ido dixando por o camin, ta yo antis que a grafia o importán d'a luenga ye o que se i charra, de todas trazas iste ye o mio punto de bista, no soi filologo ni cosa, y creigo o me fería goi creyer que a chen que s'ha posau en una mesa a debatir isto y a mirar-se de fer a nueba grafía si que lo i son, bueno , cosa mas, grazias por dixar-me dar a mia opinion y por fer serbir ista luenga tan polida. a plantar firme.Anonymoushttps://www.blogger.com/profile/00107984785001673727noreply@blogger.comtag:blogger.com,1999:blog-6006187974902187161.post-74459947309553873472010-02-06T10:34:21.952+00:002010-02-06T10:34:21.952+00:00Hola , en primerías enhorabuena por o blog , y por...Hola , en primerías enhorabuena por o blog , y por ser uno mas d'os que fan serbir a luenga en a rete, dimpués tos pido disculpas por que o mio aragonés no ye masiau bueno. <br />Yéra escando información sobre a nueba grafía y me'n trobau con busatros y me pareixe prou interesán o debate iste. yo no fa guaire que i charro y tampoco no que esscribo,y cuento que agora que a luenga ye "reconocida" caleba de fer una nueba grafía ta unificar-la , pero estoy que ye desmesurao bellas cosas d'ista nueba proposa, partamos dende que como o castellán , as luengas evoluzionan , pero ta que as grafías evoluzionen tiene que pasar asabelo de tiempo, ta plegar a la grafia que implegamos en o castellan han pasado muitas añadas y ha estau a propia luenga la que s'ha obligao a cambear seguntes a as demandas d'a soziedat, cuento que agora dengún dice "vuestras mercedes" jejej, tamién creigo que encara que ye bueno rescatar bels latinismos d'os primers escritos que se i feban, cal remerar que ixos escritos se i feban en a edat meya bi yeran feitos por monjes ,(o pueblo no sabeba cosa encara d'o que yera una pluma)y que como en o castellan s'han ido deixan-do d'implegar, por ixo no trobo lo sentiu a fer en binte años lo que a propia luenga a ido dixando por o camin, ta yo antis que a grafia o importán d'a luenga ye o que se i charra, de todas trazas iste ye o mio punto de bista, no soi filologo ni cosa, y creigo o me fería goi creyer que a chen que s'ha posau en una mesa a debatir isto y a mirar-se de fer a nueba grafía si que lo i son, bueno , cosa mas, grazias por dixar-me dar a mia opinion y por fer serbir ista luenga tan polida. a plantar firme.Anonymousnoreply@blogger.comtag:blogger.com,1999:blog-6006187974902187161.post-33928501157425567182010-01-22T11:11:17.459+00:002010-01-22T11:11:17.459+00:00Sí, puestar que siga inchusto porque no tiengo mui...Sí, puestar que siga inchusto porque no tiengo muita informazión sobre as reunions que han feito.<br /><br />Puestar que siga yo equibocau, pero ye a mía opinión, porque isto zaguero no ye más que ixo, una opinión que nomas quiere meter denzima d'a mesa la error que ta yo ye a nueba grafía.<br /><br />Besucos!Florenciohttps://www.blogger.com/profile/13017302825663076065noreply@blogger.comtag:blogger.com,1999:blog-6006187974902187161.post-17693948145417422692010-01-22T09:43:23.650+00:002010-01-22T09:43:23.650+00:00Ta Florencio: U esconoixes de tot l'Academia u...Ta Florencio: U esconoixes de tot l'Academia u yes estando prou inchusto. Si bella cosa ha feito bien l'Academia ye charrar con tot lo mundo. Han feito actos y charradas en todas as vals y somontanos. S'han achuntau con todas as asociacions (grands y chicotas) ta saber d'as suyas sensibilidatz y remanen en contacto perén con toda ista chent. Antimás a composición tamién ye bien plural. Chent de totz os dialectos y de todas as asociacions grands. U siga que de torres de marfil, mica. Son bien a ran de tierra. Tienen defectos, prou que sí, pero ixo no'n ye uno.Barrenauhttps://www.blogger.com/profile/13583171891340065416noreply@blogger.comtag:blogger.com,1999:blog-6006187974902187161.post-74401357046981238902010-01-21T12:22:30.816+00:002010-01-21T12:22:30.816+00:00O Consejo Superior de las Lenguas de Aragón será t...O Consejo Superior de las Lenguas de Aragón será triau en tres meses, seguntes a Lei. No me remero lo plazo que tien pa triar, ixe "Consejo" l'Academia de a Luenga Aragonesa.<br />Sabendo como se conformará ixe "Consejo" podemos barruntar quí será en ixa Academia y quí no (quiero decir, que ye más fácil que bi siga bel miembro de o Consello Asesor que de Estudio Filológico de Aragón).<br />Sindembargo, ixa Academia, cuan se establezca, sí que será reconoxida por o Gubierno d'Aragón como autoridat lingüistica, y si diz que ye menister tornar enta la ortografía de 1987, pues bi tornaré.<br />Tot penderá de a fuerza que tienga CHA ta imposar en o proceso negociador (en o Consejo Superior, que ye un organo politico, lo vierez) la suya posición, que ye la posición de Francho Nagore. Me recentan os feitos de o zaguero Comité Nacional de CHA y diz que lo triunfalismo por a Lei de Luengas yera pa esbarafundiar.picarralero67https://www.blogger.com/profile/14052162298284957776noreply@blogger.comtag:blogger.com,1999:blog-6006187974902187161.post-41207702396870761942010-01-21T09:41:45.678+00:002010-01-21T09:41:45.678+00:00Yes charrando de y en teyoría, á yo me parixe muit...Yes charrando de y en teyoría, á yo me parixe muito bien, pero lo papel puede aguantar tot, mesmo lo truño de o gubierno d'a "economía sostenible".<br /><br />Pero a realpolitik ye atra cosa. Creigo que os miembros de l'Academia son en suyas torres de marfil e ixo aduyará á que l'aragonés remate como lo cornico, luenga formalmén muerta. Anque ixo sí, polidamén escrita.<br /><br />R.I.P.Florenciohttps://www.blogger.com/profile/13017302825663076065noreply@blogger.comtag:blogger.com,1999:blog-6006187974902187161.post-70684654425219209222010-01-21T08:43:34.039+00:002010-01-21T08:43:34.039+00:00Rematando, que ye cherundio. O tuyo argumento más ...Rematando, que ye cherundio. O tuyo argumento más important y repetiu contina estando ixa supuesta facilidat, que yo no trobo garra inconvenient. Sobre o que comentas d'os fablilandeses y neofablans , l'aragonés que fablemos será o mismo lo escribamos como lo escribamos. Asinas que no somos perdendo garra fablan. Atra cosa ye como lo escriban. Ta ixo tenemos correctors (humanos y maquinas) y se pueden fer charradas sobre a nueva grafía, que soi seguro que en 10 minutos se podrá aprender o 99% d'os casos que nos trobamos por un regular. Yo la soi aprendendo a pur de leyer lo que escriben qui ya la fa servir dende fa tiempo.<br />Sobre custions politicas contino sin renunciar a la obligatoriedat en l'amostranza, a lo menos en as zonas de fabla viva y en os lugars y ziudatz de recepción a la posibilidat d'eslexir as clases EN aragonés. Con tot y con ixo, ye verdat que por agora no pasará d'estar optativa. Talment seiga muito zerrín pero de verdat, hemos aprendiu a escribir en castellano y en ánglés. No ye tan dificil d'aprender a escribir l'aragonés con cualsiquier grafía (mesmo con la d'a SLA). A grafía d'o catalán ye más dificil y no les va guaire mal, por eixemplo. Encara que faigan errors graficas a luenga ye bien viva. Antiparti, as clases d'as ninas as eslixen as mais y pais y pocas vegadas considerando si ye más u menos dificil sino si ye más u menos util t'o futuro d'a zagalona.<br />Sobre a facilidat: ta yo prou que sería más facil continar fendo servir a grafía d'o 87 (y charrar en castellano muito más). Pero ixo ye basicament porque aprendié a luenga con ixa grafía. Cuento que ye a unica razón. Agora mesmo me sería igual de dificil escribir en castellano bazío en cuenta de vacío u Haus en cuenta de House en anglés, como decibas en o tuyo primer comentario. Manimenos, si he de fer-lo, lo feré y me costará bien poco de fer-me-ie igual como me ye costando bien poco de fer-me a escribir con a nueva grafía (en lo que por agora conoixco u intuigo). Con tot y con ixo, encara que no me fese a escribir bazío, continaría sabendo y charrando castellano y contando como castellanofablan.<br />Sobre asperar a que a D.Ch.A. nombre a l'Academia oficialment ta prener unos nuevos regles: Fa tiempo que no aspero cosa d'a D.Ch.A. Que agora nombra una autoridat lingüistica y l'aceptamos todas, fa uns regles chenials y tot ixo? Pues muito bien. Pero como levo sentindo as mesmas falordias muitas anyadas, caldrá ir enantando o treballo por si maitín dentra o PP y espalda a lei de luengas u Marcelino se debanta con a garra dreita u quemisió. A sociedat civil, por un regular va bels anyos por deban de totz os gubiernos. ¿Si no s'hese feito a lei de luengas y se continase en o mismo limbo que yeranos fa una anyada, continarías sin reconoixer a l'Academia de l'aragonés como autoridat ta cutio? Pues lo siento, pero ta yo dende que se nombró y dica que bi haiga bella cosa millor, l'Academia continará estando l'autoridat lingüistica de l'aragonés. Y como ya ye publico que proposará unatra grafía y parix que alto u baixo será ista, nomás me he adebantau bels meses.<br />Por cierto: yo no he dito que me faiga más goi una grafía u unatra. He dau os motivos que tiengo ta eslexir-ne a que foi servir agora mesmo. A yo a grafía, rai (encara que prou que tiengo as mías opinios sobre as avantallas y inconvenients d'una y atra grafía). Dezitz-me como he d'escribir y d'amostrar l'aragonés y asinas lo feré. A luenga ye a luenga. A traza d'escribir-la tien a importancia que tien y en una luenga en as tres pedretas, as nuestras enerchias bien se valdría que s'endrezasen enta cosas más importants. Y isto zageur no lo digo por tú, ye de dar.Barrenauhttps://www.blogger.com/profile/13583171891340065416noreply@blogger.comtag:blogger.com,1999:blog-6006187974902187161.post-43081487525986132092010-01-20T15:39:22.941+00:002010-01-20T15:39:22.941+00:00Bien, creigo imos dixando as nuestras posizions cl...Bien, creigo imos dixando as nuestras posizions claras, no sé si tiengo muito más que dizir.<br /><br />Asinas que feré un poder ta resumir por qué creigo que a nueba grafía que parixe que ba á surchir de l'academia ye pior que os regles de o 87.<br /><br />* Se imbenta de raso una nueba grafía, y en cuenta de fer-la senzilla y amanar-la á criterios de senzillez comunicatiba, creya un grafía neoarcaica, que no ye mirallo d'a fabla popular. Ta yo a comunicazión berbal ye muito más importán que a escrita, e ísta cal que siga supeditada á la primera.<br /><br />* Ta la chen que semos en fablilandia sí que ye berdá que no serba complicau cambiar de regles. Pero no creigo que siga lo mesmo ta chen que aprendió fa 10 años, que fa serbir os regles de o 87 y que no tenga tiempo u ganas de aprender nuebos regles. Ixo ye perder usuarios de una luenga que a zaguera cosa que menesta ye perder-los.<br /><br />* Analizando lo país politicamén, pararemos cuenta de que l'aragonés nunca no pasará de estar una asinnatura boluntaria. No como l'anglés que ya prenzipia á estar luenga beicular en as escuelas de Aragón Ta aduyar á espardir una luenga la senzillez ye una cosa basica. Bi ha estudeos que muestran que l'anglés antiparti de estar 'luenga imperial' ye una luenga franca por a senzillez de aprender as formas más basicas de comunicazión. Esmaxina que no pasaría si antimás a grafía anglesa estase más fonetica.<br /><br />*As luengas sirben á la comunicazión, y cuanto más senzilla y más fázil (sí, prezisamén fer as cosas fázils gosa estar lo más complicau) millor.<br /><br />E ixo ye tot. Cuan o gubierno de Aragón reconoxca á la academia u forme a suya propia y aprebe os suyos regles cambiaré á regañadientes, dica allora continaré con o 87, no por estar consellista, sino por estar combenziu de que son millors.Florenciohttps://www.blogger.com/profile/13017302825663076065noreply@blogger.comtag:blogger.com,1999:blog-6006187974902187161.post-44128886934280378242010-01-20T13:00:29.688+00:002010-01-20T13:00:29.688+00:00Sobre a grafía se suposa que no tenemos informació...Sobre a grafía se suposa que no tenemos información. Se suposa. Pero como Aragón encara no ye en o limbo y sí en o mundo reyal y alparcero, totz sabemos, porque antimás ye publico, que l'Academia de l'aragonés proposará una nueva grafía ta l'aragonés y, por a suya web, sabemos que, si fa u no fa, tendrá as trazas que foi servir yo (y muitas atras) en iste blog dende fa bel tiempo. Encara quedan cosas que no se saben seguro y por ixo cuento que todas somos fendo arrienda d'errors en iste tiempo. Sincusaretz.<br />L'Academia de l'aragonés se creyó, entre atrás cosas, porque o gubierno ni la creyaba ni s'asperaba que la creyase, t'a part d'alavez. Nos calió prener a iniciativa y se fació d'a millor traza que se podió. Hue, contina sin haber cosa millor. Y si hemos d'asperar a que o gubierno en faiga una, podemos asperar un mes u diez anyadas. Asinas que tanimientres continaré fendo caso a ista. Antimás, a mía opinión ye que o gubierno habría de reconoixer a l'Academia de l'aragonés como l'autoridat lingüistica y fer servir a suya grafía ye tamién una traza de amostrar o mío refirme a ixa posición.<br />Sobre custions lingüisticas, torno a repetir-te que le'n dixo a os lingüistas. Sí que te comento que, por eixemplo feretz, antiparti de custions etimolochicas, tamién sirve ta refleixar a prenuncia benasquesa. U que a solución de fer servir -ix- como regle, y no como releixo de pronuncia local, ta achuntar tamién os dialectos orientals me parix prou buena. Con que os dialectos occidentals no pronuncien ixa “i” ye prou.<br />De los romanos y los etruscos y demás chent, como neoarcaico, paso prou. No sé si teneban Consello Asesor, u Plataforma “no charramos latín”.<br />Torno y tornaré a repetir. Qui quiere aprender aragonés lo aprende. Y rai como s'escriba. L'aragonés ye de muit facil aprender ta una castellanofona. Cualsiquier ninona aprende en a escuela inglés encantada d'a vida y ye muito más diferent d'o castellano que no l'aragonés. Y muitismo más dificil d'aprender como s'escribe. (chiste a la fin) He visto chent poco más intelichent que no un muixonet que charra y escribe inglés correctament. ¿Cómo no va a aprender a leyer y escribir aragonés? ¡mesmo con v!<br />Con cariño, un neoarcaico. Por cierto, agora te respondo a l'inte porque soi de vacanzas, pero ixo remata o domingo, asinas que cal trobar solución antis con antis... :-)<br />O chiste (viello y malo): Joder con istos ingleses!. Escriben /saquespeare/ y pronuncian /sopunjauer/. (Sincusatz que no faiga servir sinyals foneticos pero como he dito no soi lingüista.Barrenauhttps://www.blogger.com/profile/13583171891340065416noreply@blogger.comtag:blogger.com,1999:blog-6006187974902187161.post-71688937732404079362010-01-20T10:18:16.310+00:002010-01-20T10:18:16.310+00:00Primero de tot, si a custión ye sobre quí ha de de...Primero de tot, si a custión ye sobre quí ha de dezidir sobre a grafía, se suposa que ni tú ni yo tenemos garra informazión. Porque a lai de luengas dize cal creyar una academia de l'aragonés, a que agora esiste no ye pas "ofizial" y os suyos regles tampó no lo serán, como no estioron, ni son "ofizials" os regles de o 87.<br /><br />Pero si pasamos de ixo y mos metemos á debatir (será que siento morriña de as Mayas que compartimos) yo te diré como resumen que os regles de o 87 son millors porque son os que millor se adautan á la comunicazión berbal, que ta yo ye a prenzipal.<br /><br />No entiendo pas (anque conoxca que se fa por etimoloxía) que se escriba 'feretz' cuan se diz 'ferez', no entiendo pas que tenendo a misma pronunziazión se esferenzia entre 'v' y 'b'.<br /><br />Charrabis dize que asinas l'aragonés será "una luenga normal", pero yo me pregunto si l'alfabeto que os romanos copioron de os griegos tendría V y B si ellos esen pronunziau igual ixas dos letras. As luengas "normals" tienen muita istoria dezaga, l'aragonés no pas, quita la "grafía" meyebal y no tienes pon.<br /><br />Nusatras tenemos l'oportunidá de os romanos, de fer una grafía que se adaute á la traza en que se fabla y no, mos metemos á buscar etimoloxías, radizes y arcaismos ta fer de l'aragonés "una luenga normal", (¡entalto los filologos zientificos!). Allora os romanos teneban que aber pillau l'alfabeto griego y adautar-lo á las formas más arcaicas y "puras" d'as luengas latinas, sabinas y etruscas.<br /><br />No, barrenau, no, si de berdá quieres "supervivencia y espardidura" cal pensar en una grafía moderna, no pas NEOARCAICA(que ixo ye a grafía que agora fas serbir).<br /><br />Antiparti de as razons que te he dau (que son en as que yo creigo de berdá), piensa en terminos politicos, en Aragón (a corto meyo-largo plazo) nunca no bi abrá amostranza con l'aragonés como luenga beicular, puestar que siga asinnatura obligatoria en bels lugars de Uesca y como muito boluntaria en atras partis de Aragón.<br /><br />Dices que a grafía nueba no ye pas tan complicada, di-le-ne ixo á un escolano zaragozano de istituto que tienga que eslexir entre aragonés, informatica u sicolochía.<br /><br />En terminos politicos, fer a luenga "fázil" tiene muitas más bentachas que no lo neoarcaismo que parixe que ba á surchir de l'academia.Florenciohttps://www.blogger.com/profile/13017302825663076065noreply@blogger.comtag:blogger.com,1999:blog-6006187974902187161.post-36493895674676115842010-01-19T22:14:17.839+00:002010-01-19T22:14:17.839+00:00Resumindo: A custión important ta yo no ye si escr...Resumindo: A custión important ta yo no ye si escribir con b u con v sino ¿qui ha de decidir como s'ha d'escribir l'aragonés?Barrenauhttps://www.blogger.com/profile/13583171891340065416noreply@blogger.comtag:blogger.com,1999:blog-6006187974902187161.post-55062725592857602382010-01-19T21:53:14.881+00:002010-01-19T21:53:14.881+00:00Quiesto Florencio:
Gracias, primer de tot, por ufr...Quiesto Florencio:<br />Gracias, primer de tot, por ufrir-me a oportunidat de debatir y reflexionar publicament sobre iste afer. Y antimás por fer conoixer a tuya ambiesta siempre intresant. Como deciba en l'articlo no soi lingüista ni filologo y por ixo no dentraré a esfender as avantallas d'a grafía nueva. Ixo lo pueden fer atrás muito millor que no yo y a ellas te remito. De todas trazas, ta yo ixa no ye a custión alacetal.<br />Torno a decir que no tiengo garra autoridat lingüistica. No he feito mica estudio y l'aragonés que sé lo he aprendiu en Nogara u en casa mía a pur de leyer y charrar. Asinas que habré de confitar en os criterios d'otri. Y como qui creigo que tien l'autoridat lingüistica sobre l'aragonés hue ye l'Academia, foi servir os regles que, seguntes totz os alparzeyos y rumors parixen que ferán publicos a escape. Si ixa mesma academia maitín diz que cal escribir “canya” con “ñ” me podrá parixer millor u pior (en iste caso, pior) pero tornaré a escribir con “ñ”.<br />A esfensa que fas d'as virtutz d'a grafía d'o 87 no ye menister. Yo no la he criticada. De revés, dicié, y torno a decir, que mientres bells anyos ha feito horna a l'aragonés y, fendo-la servir, muitas hemos aprendiu ista polida luenga. Mientres istos anyos bi ha habiu, si fa u no fa, un grand consenso en emplegar-la. Ixe consenso me pienso que hue, y dende ya fa bell tiempo, no existe. No dentraré en si ye millor u pior, pero sí quiero comentar bel par de cosetas.<br />A facilidat. Torno a decir que lo facil de tot ye charrar castellano. No me queda guaire platero si creyes que ye de millor aprender la una u l'atra, pero como dicié en o primer articlo, cualsiquier persona con un ran normalet d'intelichencia puet aprendet a escribir en una grafía u mesmo en dos, tiengan los criterios que tiengan.<br />Os libros. Isto me pienso que no lo has meditau guaire. Os libros son buenos u malos independientement de qué grafía faigan servir. L'aragonés ye exactament lo mesmo s'escriba como s'escriba. ¿Domingo Miral ye pior que Francho Nagore por escribir con v? ¿As primers obras de Chuse Raúl Usón son millors que no as zagueras por haber cambiau de grafía? Me pienso que ixo rai. Mesmo cuento que ye más que prebable que e a muitas patrimonials, as editoras, les habrán habiu d'adaptar a grafía. Prou que se pueden escribir grands libros con a grafía d'o 87 (que le'n digan a Ruben Ramos). Y con la de la SLA y con a que m'invente yo maitín. Y o mesmo libro en todas ixas será igual de bueno (u malo).<br />A necesaria corrección. Tú lo has dito. A grafía d'o 87 tien una cosa mala y ixo ta yo ye indudable. Tien foraus que en 20 anyadas no s'ha tapau. Si a la fin, l'autoridat lingüistica d'o futuro dezide de fer servir a grafía d'o 87, lo primer que habría de fer ye rematar-la y tapar totz ixos foraus que hue encara i remanen. Cosa que talment haiga iu prebando de fer o Consello Asesor, pero que cuento que no ha puesto. No ye millor fer una grafía de nuevas que ir metendo parches a la d'o 87 dica rematar en una parellana a la que se suposa que presentará l'academia, pero con “b” y “z”. <br />De todas trazas, para cuenta si m'importa o modelo grafico que deixo a decisión de tot en mans d'otri. Que lo important ye l'aragonés. Como s'escriba rai. Que se decidan ya, y prencipiemos a treballar en a suya supervivencia y espardidura.Barrenauhttps://www.blogger.com/profile/13583171891340065416noreply@blogger.comtag:blogger.com,1999:blog-6006187974902187161.post-83661007332978508872010-01-19T14:13:42.933+00:002010-01-19T14:13:42.933+00:00Bien, imos por partis, dizes que ye más fázil que ...Bien, imos por partis, dizes que ye más fázil que toz os dialeutos se sientan representaus, ¿por qué? ¿Porque ye más parellana á o castellano? ¿Porque se parixe más á lo son estau escribindo bels de ellos? Puestar que sí, pero ixo ta yo no ye una razón.<br /><br />Dizes tamién que no creba la tradizión meyebal…. Ummmm, sí y no, sapes que no esistiba una grafía meyebal, sino grafías que cambioron con o paso d’os sieglos (amén de a destreza u conoximientos d’o escribano). No sé, si no charramos como en a Edá Meya, ¿Por qué tenemos que escribir como fa 1000 añadas? U siga que no, ta yo no ye un argumento.<br /><br />A grafía d’o 87 ta yo ye en cheneral buena. ¿Por qué? Por una senzilla razón, ye una grafía pensada ta tiempos autuals, si pensamos en luengas que son estau codificadas rezientemén, como lo alemán u l’italiano beyeremos como as grafías tienden enta la simplificazión, en alemán ‘Casa’ se escribe ‘Haus’ mientras que en anglés (luenga tamién chermanica, codificada antis y con querenzia á o tradicionalismo) se escribe ‘House’, anque a pronunziazión ye como se escribe en alemán.<br /><br />Se diz de a grafía de o 87 que ye fázil, ¿y? ¿acaso ixo ye malo? Claro, si yes lingüista lo que mola ye estudear o latín, os testos meyebals, contimparar parolas con o catalán u l’ozitano y en zagueras mostrar toda la tuya sapienzia en un tocho ta dimpués estar aplaudiu por os tuyos colegas. Remera-te de o nuestro “amigo”, o zientifico soriano. Á yo a grafía de o 87 me parixe una apuesta prou balida y muito balién, en o suyo tiempo y mesmo agora. O fázil ta yo ye tornar á una grafía más istorica, pero a berdá ye que á yo nunca no me han feito goyo os camins fazils. <br /><br />Pensemos en que a funzión de una luenga ye a comunicazión, a comunicazión berbal estió antis que a escrita, de feito a escritura copia á la comunicazión berbal. L’aragonés tiene a posibilidá de fer una grafía muito más parellana á la comunicazión berbal (que ye a prenzipal) que no lo castellano, porque o castellano ya tiene una istoria dezaga muito gran y porque dende o prenzipio se codificó pensando en terminos istoricos. Curiosamén l’aragonés tiene en os zaguers 30 años bellos libros muito buenos que se han escribiu con a grafía de o 87, e ixo ta yo tamién pesa una mica.<br /><br />As luengas sirben á la comunicazión, y cuanto más senzilla y más fázil (sí, prezisamén fer as cosas fázils gosa estar lo más complicau) millor. Si no piensa en os regles y grafía de l’esperanto.<br /><br />Asinas que en conchunto me parixe que a grafía de o 87, con as suyas errors y as nezesarias correuzions ye a que se adauta á o sieglo XXI. Ye con a que yo, que no soi pas lingüista, creigo que se puede conseguir más entre os neofabladors, que, no mos engañemos, ye do ye o futuro de a nuestra luenga. Y entre os fabladors patrimonials, si descuentas á 4, no tiene que suponer garra problema.<br /><br />Si yes un sesudo filologo, o un lingüista zientifico creigo que a grafía de 87 te semblará fázil y un catén, pero si piensas en espardir una luenga quizau siga la millor opzión.Florenciohttps://www.blogger.com/profile/13017302825663076065noreply@blogger.comtag:blogger.com,1999:blog-6006187974902187161.post-7407822473924278822010-01-18T18:49:58.635+00:002010-01-18T18:49:58.635+00:00Quiesto Barrenau, enhorabuena por o tuyo post. No ...Quiesto Barrenau, enhorabuena por o tuyo post. No me lo esperaba quan i he dentrau, y m'ha feigo muito goyo de leyer a tuya posición -que comparto- y a más tan bien argumentada. <br /><br />A yo me fa miedo agora que no nomás nos podremos entivocar en cosas de gramatica, que tamién en grafia... (como en una luenga normal!)Anonymousnoreply@blogger.com