tag:blogger.com,1999:blog-6006187974902187161.post1593984483338290491..comments2024-01-30T13:45:36.034+00:00Comments on Tierra de barrenaus: Hawkings, Dios y ixas cosetasBarrenauhttp://www.blogger.com/profile/13583171891340065416noreply@blogger.comBlogger3125tag:blogger.com,1999:blog-6006187974902187161.post-70032301636227691142010-09-15T21:09:18.599+00:002010-09-15T21:09:18.599+00:00Dao De ChingDao De ChingAnonymousnoreply@blogger.comtag:blogger.com,1999:blog-6006187974902187161.post-60090252083629072010-09-13T11:29:15.516+00:002010-09-13T11:29:15.516+00:00No lo puedo entender garra traça, ya seiga instint...No lo puedo entender garra traça, ya seiga instintiva, intuitiva, mitica u racionalizata, d'ateïsmo. Que per qué?, pos perque un ateu neseçariament ha á estar agradeixito á la evolucion per haver feito d’él un ser que afirma raçonar, en cuenta d’un "quadrumano" qualsiquiera. Ademés, ha á estar agradeixito á la evolucion, perque él evoluciona, no se sabe guaire bien dende qué u enta qué, u dende án e enta qué; pero ixo rai, o important, o interesant ye evolucionar. No ye menister explicacions embolicatas, tot se troba en l’ADN e en os millons d’anyadas que bi ha entre qualsiquier ser e a suya rafollada. E si resulta que o darwinismo no ye que una tautologia que ni sisquiera fa honra ta describir o mundo, no digamos ya ta explicar-lo, pos rai, que l'ateu tiene os suyos ideyals e no puede dixar que a realidat le'n malmeta.<br />Tamien estará agradeixito de tot á las decisions de l’açar, que, ya sabez, ye qualcosa que aconorta arrienda. E estará muito agradeixito á o sinyor Dawkins per decir-le tamien que ye "una maquina autorreplicant", "maquinas de supervivéncia automatas programatas á ciegas", asinas emprencípia The Selfish Gene. Quí programa? No tos ixorrontez, ye l’açar. <br />Pero de vez á qui cal agradeixer-le a explicacion ye á o sinyor Atkins, incansable esfensor d’a logica de l’açar, que funciona como una mena de demiurgo, pero rai, l’açar ye asinas. O malo ye o chiquet dandalo, toz dubdamos, os teïstas dandalean e os ateus no podrian estar menos, perque l’ateu que preva de dar coheréncia á "as suyas creyéncias" se fa cargo d’o feito de que deçaga de qualsiquier fenomeno de l’açar siempre b’ha una causa anterior. Si se caye un clau ye perque existe a gravedat; si qualcosa no ye viable ye perque belatra le’n impide; en toz os casos, si se piensa con logica, ye clarismo que siempre, siempre, b’ha qualcosa deçaga de cada feito "casual". E ixo permea muito á l’ateu. E ye que l’açar tiene mugas. Dinantes e dimpuesas tiene mugas, ya que si continás actuando dimpués de qualsiquier feito, apareixeria o caos absoluto e a imposibilidat de tot. Quí amuga á l’açar? O mesmo açar s’autoamuga? E cómo sabe án ha á emprencipiar e án rematar?<br />Pero rai de nuevas, perque sobre os feitos anteriors á o Big Bang se sabe, ye un decir, grácias á o sinyor Hawkings, que iste existió no perque b’haiga un "dios", sino perque bi ha un fascal d’universos paralelos, apuyalatos, alternativos, fendo globulos, u acamatonatos como as fuellas d’un libro e asinas l’açar torna á tener a oportunidat d’estar, d’actuar metendo cada cosa en o suyo puesto. <br />E, como conseqüéncia, l’ateu ha á estar pero que muito agradeixito á toz els per dar-le tota una asperança. E ye que os suyos “memes” remataran per esbafar-se en a no-cosa una vegata que o cuerpo seiga muerto, perque espritu no bi ha. Pero tampoco no pasa res, perque os memes se transformaran en particlas elementals e s’espardiran per os buedos interestelars. Pero como l’ateu ye "polvo d’estrelas" seguro, seguro, que rematará per tornar á juntar as suyas moleclas e renaixerá en forma de bel nuevo ser, que igual puede estar una piedra, como una hierbota u bella cosa parellana en qualsiquier punto d’o Universo con condicions adequatas, e si no en o Pluriverso, u mesmo un ser animato e quí sabe si con conciéncia d’él mesmo, encara que ves-te-ne á mirar t’án lo carriará l’açar. <br />Án ye a inteligéncia en ista mena d’argumentos? "Ye que l‘empirismo ye o que nos demuestra a certeça d’as cosas..." ¡Ya! e per ixo Hawkings conclui que Dios no existe, perque no lo puede ençarrar en un tubo d’asayo. Pero, cómo se bi ençarra una teoria que nos parla de diez dimensions en cuenta de quatre? Como ixas dimensions extra no son pas alufrables, e como a teoria s’ha resistito á la confirmacion experimental per més de tres decadas, no pareix que ciéncia ficcion u, á lo menos, ciéncia fallita. Perque, ateus d’o mundo, a teoria de cuerdas no ye falsable e no ye que una pseudo-ciéncia.Anonymousnoreply@blogger.comtag:blogger.com,1999:blog-6006187974902187161.post-52328229523789695112010-09-10T18:33:56.182+00:002010-09-10T18:33:56.182+00:00Cal recordar-se que creticas tamien ne b’ha, i a’m...Cal recordar-se que creticas tamien ne b’ha, i a’mbute, d’os sectors laicos i/u ateus qüan un cleigo opina sobre qustions “mundanas”, “politicas”.<br />I a d’Hawkings, a tuya u a mía, no deixan d’estar ixo: opinions, que encara que tiengan voluntat d’obchectivismo, no necesariament exentas de subchectividat, peró, con tot i con ixo, respetables. <br />Alavetz, qui opina (en tanto que emisor) s’esposa a una replica, ya sían parabiens u “paramals”, como dicen ta part d’aquí: qui ye moneda d’or que tot o mundo se la estima?<br />Me pienso que, antes con antes, cal preguntar a sinyor Hawkings i os suyos actuals detractors, qüal ye o proprio concepto de Dios, perque igual no se ye parlando de o mesmo…<br />A experiencia de Dios puet estar igualment emocional, como mental i mistica.<br />en fin rispeto, que como deciba un sinyor mayor "que totz semos fillos de Dios"Anonymousnoreply@blogger.com